Madanapalle

Madanapalle
urbo en Barato vd
Administrado
Ŝtato	Barato
Subŝtato	Andra-Pradeŝo
Poŝtkodo	517325
Demografio
Loĝantaro	180 180 (2011) [+]
Loĝdenso	12 689 loĝ./km²
Geografio
Geografia situo	13° 33′ N, 78° 30′ O (mapo)13.5578.5Koordinatoj: 13° 33′ N, 78° 30′ O (mapo) [+]
Alto	695 m [+]
Areo	14,2 km² (1 420 ha) [+]
Horzono	UTC + 05:30
	Madanapalle (Andra-Pradeŝo)
	Situo de Madanapalle
	Madanapalle (Barato)
	Situo de Madanapalle
Alia projekto
	Vikimedia Komunejo Madanapalle [+]
	v • d • r

Madanapalle (telugue మదనపల్లె) estas urbego kaj municipo en sudorienta Barato, en subŝtato Andra-Pradeŝo, en distrikto Annamayya.

Geografio

Madanapalle etendiĝas en alteco de 695 metrojn de la marnivelo. Kolar troviĝas 62, Ĉittur 75, Tirupati 99, Kadapa 106, Bengaluro 119, Ĉenajo 191, subŝtata ĉefurbo Amaravatio 389, Mumbajo 855, Kolkato 1445, tutlanda ĉefurbo Delhio 1682 kilometrojn (aere) [1].

Demografio

Laŭ la stato de 2011 en la urbo vivis 180 180 loĝantoj sur areo de 14,2 kvadrataj kilometroj, kio rezultigas loĝdenson de 12 689 loĝantoj/km². La legopovo estas 81,40 %, signife pli alta, ol la ŝtata mezumo.

Historio

Madanapalle estis fondita en 1618. La urbeto travivis plurajn naturajn katastrofojn kiel inundoj, malsatkatastrofoj kaj epidemioj. La municipo estis formita en 1961.

Ekonomio

Madanapalle estas fama pro la agrikulturaj produktaĵoj kiel ekzemple tomatoj, mangofruktoj, arakidoj, tamarindofruktoj. Madanapalle estas la plej granda tomatmerkato en Azio. La urbego ankaŭ estas fama pro silkaj produktaĵoj.

Lingvoj

La telugua kaj la urdua estas la oficialaj lingvoj en Madanapalle.

Religioj

En Madanapalle vivas hinduoj 73,05 %, islamanoj 24,83 % kaj kristanoj 1,66 %.

Edukado

En kampuso kaj institutoj okazas la plej altnivela edukado en Madanapalle. La instruaj lingvoj estas la angla kaj telugua.

Klimato

Pro la plaĉaj temperaturoj ĉiuj emeritoj sonĝas vivi plu en Madanapalle. La temperaturo varias averaĝe inter 20-30 °C. Jare pluvas po 643 mm. Inter julio-oktobro pli ofte pluvas, inter januaro-marto apenaŭ pluvas.

Trafiko

Preter Madanapalle branĉa fervoja linio funkcias. kaj 5 vojoj kuras al la urbego. Enurbe estas ankaŭ aŭtobusa stacidomo. Tri naciaj aŭtovojoj kaj grava ŝoseo pasas tra la urbego.

Vidindaĵoj

preĝejoj

Famuloj

En Madanapalle naskiĝis Jiddu Krishnamurti.