Montreux VD

- La mallongigo VD en Montreux VD staras por la svisa Kantono Vaŭdo. Por aliaj signifoj de la nomo vidu sub Montreux.

---

Montreux estas urbo komunumo en la Distrikto Riviera-Pays-d'Enhaut, Kantono Vaŭdo, Svislando. Ĝi havis 23800 loĝantojn je la 31-a de decembro 2007, kiu nombro kreksis al 25187 je la 31-a de decembro 2012.

Montreux
Blazono de Montreux
Urbo Montreux
Kantono	Vaŭdo
Distrikto	Riviera-Pays-d'Enhaut
Koordinatoj	46° 26′ 0″ N 6° 55′ 0″ O (mapo)
Nombro de loĝantoj	25187
Areo	33,40 km²
Alteco	390 m super marnivelo
Poŝtkodo	1820
Komunumkodo	5886
Situa mapo de Montreux

Geografio

La urbo Montreux situas oriente de la kantona ĉefurbo Laŭzano ĉe la bordo de la Lago Lemano. Clarens estas malgranda vilaĝo en la municipo de Montreux, kie loĝis famuloj, kiaj Igor Stravinski, Ĉajkovski, Élisée Reclus kaj Vladimir Nabokov.

Trafiko

Tra Montreux pasas la linio de Svisaj Federaciaj Fervojoj de Laŭzano al Sempiono. Montreux estas ankaŭ la komencpunkto de la Montreux-Berna Oberlanda-Fervojo de Montreux al Lenk en Simme-Valo.

Preter la urbo pasas la aŭtoŝoseo A9 de Laŭzano al Brigo, kiu ankaŭ estas alveturejo al la alpaj pasejoj Granda Sankt-Bernardo, Sempiono, Furko kaj Nufenen.

Historio

Kiel politika komunumo Montreux ekzistas nur ek de la jaro 1962. Unuaj setlejoj troviĝis en Montreux jam en la bronzoepoko. En Baugy oni trovis restaĵojn de romia vilao el la 2-a ĝis 4-a jarcento. Unua dokumenta mencio de Montreux datiĝas el la jaro 1215 kiel Mustruel.

Famaj personecoj

• En Montreux mortis Rainer Maria Rilke kaj Ottó Szász.

Eventoj

Ĉiujare en la urbo okazas la mondkonata internacia Ĵazo-festivalo de Montreux.

Vidu ankaŭ

• Montreux (stacidomo)
• Montreux-Collège (stacidomo)
• Montreux-Les Planches (stacidomo)
• Caux (stacidomo)
• Chamby (stacidomo)
• Châtelard VD (stacidomo)
• Clarens (stacidomo)
• Fontanivent (stacidomo)
• Glion (stacidomo)
• Glion-Alpes (stacidomo)
• Glion-Collège (stacidomo)
• Haut-de-Caux (stacidomo)
• Jaman (stacidomo)
• Jor (stacidomo)
• Territet (stacidomo)

Eksteraj ligiloj

• Oficiala retejo de la urbo Montreux

•  Vidu ankaŭ en la Vikimedia Komunejo la kategorion Montreux – (Kolekto de bildoj kaj plurmediaj dosieroj)