Saas en Prättigau
publikigita versio estis patrolita je 6 nov. 2023. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 6 nov. 2023.
|
Por aliaj signifoj, bv. rigardi la apartigilan paĝon: Saas |
| Saas en Prättigau | |
|---|---|
 | |
 | |
| former municipality of Switzerland • vilaĝo | |
| Kantono | Grizono |
| Distrikto | Prättigau/Davos |
| Komunumaro | Küblis |
| Koordinatoj | 46° 55′ 0″ N 9° 48′ 36″ O / 46.91667 °N, 9.81000 °O (mapo)Koordinatoj: 46° 55′ 0″ N 9° 48′ 36″ O / 46.91667 °N, 9.81000 °O (mapo) |
| Nombro de loĝantoj | 761 |
| Areo | 26,71 km² |
| Alteco | 988 m super marnivelo |
| Poŝtkodo | 7247 |
| Komunumkodo | 3883 |
 | |
Pri la komunumo redakti
Saas en Prättigau estas komunumo de la komunumaro Küblis kaj la distrikto Prättigau/Davos en Kantono Grizono, Svislando. Ĝi havis 761 loĝantojn je la 31-a de decembro 2009.
Geografio redakti
Saas situas sur la norda flanko de Pretigovio (germane Prättigau), kiel nomiĝas la valo de la rivero Landquart, kiu formas la sudan limon de la komunuma teritorio. Al la komunumo apartenas krom la ĉefvilaĝo en la valo ankaŭ la setlejoj Flersch, Mittelberg, Unter Planggen, Ober Planggen, Zastia kaj Oberberg, kaj krome multnombraj izolitaj bienoj.
Najbaraj komunumoj redakti
La komunumo Saas en Prättigau limas en nordo al Sankt Antönien, en oriento al Sankt Gallenkirch (Vorarlbergo, Aŭstrio), en sudo al Klosters-Serneus, en sudokcidento en Conters en Prättigau, kaj en nordokcidento al Küblis.
Trafiko redakti
Tra la komunumo pasas la grava kaj trafikriĉa kantona ĉefvojo n-ro 28 de Landquart al Davos. Ĉar la transirtrafiko estas granda ŝarĝo por la komunumo, nuntempe estas konstruata ĉirkaŭvetura tunelo, kiu dum 2011 estos malfermita.
Historio redakti
La unua dokumenta mencio de Saas en Prättigau datiĝas el la jaro 1290 kiel Säusch. De la 13-a jarcento ĝis 1338 Saas apartenis al la Senjorujo de la Baronoj de Vaz, poste ĝi estis ĝis 1436 havaĵoj de la Grafoj de Togenburgo. Sekvis la Grafoj de Montfort kaj poste la Grafoj de von Matsch. En la jaro 1482 Saas estis enkorpigita al al Monaĥejo Sankt Jakobo en Klosters. De 1477 ĝis 1649 Conters apartenis al Aŭstrio. En la jaro 1436 Saas aliĝis kiel najbarecano de la tribunalkomunumo Klosters Ausserschnitz al la Dektribunala Federacio. En la jaro 1851 Saas fariĝis komunumo de la komunumaro Küblis. [1]
Vidu ankaŭ redakti
- Aliaj signifoj de Saas
- Saas im Prättigau (stacidomo)
Notoj kaj referencoj redakti
Eksteraj ligiloj redakti
- Oficiala retejo de la komunumo Saas en Prättigau Arkivigite je 2001-07-21 per la retarkivo Wayback Machine
- Saas en Prättigau en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Saas en Prättigau – (Kolekto de bildoj kaj plurmediaj dosieroj)