Pál Szmrecsányi
Pál Szmrecsányi [smreĉAnji], laŭ hungarlingve kutima nomordo Szmrecsányi Pál estis hungara pastro, episkopo, kanoniko, abato. Lia nobela antaŭnomo estis szmrecsányi. Liaj fratoj estis Lajos Szmrecsányi kaj Miklós Szmrecsányi.
Pál Szmrecsányi [1] naskiĝis la 2-an de majo 1846 en Hungara reĝlando en Daróc (nuntempa Šarišské Dravce en Slovakio. Li mortis la 8-an de aŭgusto 1908 en Svislando en Sankta Maŭrico.
Biografio redakti
Pál Szmrecsányi frekventis gimnazion en Eger, poste universitaton en Pest (urbo). En 1869 li pastriĝis. En la sekva jaro li komencis sian pastran karieron en Nyíregyháza. Liaj baldaŭaj postenoj kaj titoloj estis:
- predikisto en Eger en Baziliko de Sankta Johano la Evangeliisto kaj Sankta Mikaelo
- kortuma pastro de Béla Bartakovics en 1871
- ĉefepiskopa sekretario en 1875
- titulara kanoniko en 1879
- kanoniko en 1886
- titulara abato en 1888
- direktoro de jura akademio en Eger en 1891; en la sama jaro episkopo
- episkopo en Várad en 1903.
Kiel episkopo, li multe okupiĝis pri konstruado de lernejoj, kirkoj, aparte menciindas zorgado pri la emeritaj pastroj.