Padarovce
Padarovce (hungare Balogpádár) estas vilaĝo en Slovakio, en regiono Banská Bystrica, en distrikto Rimavská Sobota.
- Areo: 12 km²
- Supermara alteco: 234 m
- Loĝantaro: 150
- Poŝtkodo: 980 23
- Aŭtokodo: RS
- Telefonprefikso: 47
Situo redakti
Padarovce situas sur ebenaĵo kaj sur mildaj deklivoj, laŭ rivereto, laŭ traira flankovojo. Rimavská Sobota troviĝas en distanco de 10 km-oj.
Historio redakti
La vilaĝo estis unue menciita en la jaro 1407 en formo "Also Padar" (=suba Padar). En 1710 pesto okazis. En 1910 loĝis en Balogpádár 537 homoj, (499 hungaroj, 14 slovakoj). Ĝis Traktato de Trianon Balogpádár apartenis al Hungara Reĝlando, al Gömör kaj Kis-Hont, al distrikto de Feled, poste al Ĉeĥoslovakio, fine ekde 1993 al Slovakio. Inter 1938-1945 Balogpádár rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito triono de la hungaroj estis deportitaj al Hungario. La restaĵo iĝis senrajta laŭ Dekretoj de Beneš. En 2001 loĝis en Padarovce 186 da homoj, (97 hungaroj, 87 slovakoj, po 1 cigano kaj ĉeĥo).