Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

Plena Gramatiko de Esperanto (mallonge PG) estas verkita de la duopo Kalocsay-Waringhien kaj publikigita en 1935 ĉe Literatura Mondo en Budapeŝto. Dua tralaborita eldono aperis en 1938, tria kompletigita en 1958, kvara tralaborita eldono en 1980 sub ŝanĝita titolo Plena Analiza Gramatiko kaj la kvina eldono en 1985.

Plena Gramatiko
Aŭtoro diversaj
Eldonjaro 1935
Urbo Budapeŝto
Eldoninto Literatura Mondo
Paĝoj 370
vdr

Enhavo redakti

La aŭtoroj pritraktis la gramatikon de Esperanto sur scienca lingvistika bazo, sed samtempe per lingvaĵo komprenebla por laikaj legantoj. Kvankam la 16-regula gramatiko en Fundamento de Esperanto estas principe facila, la apliko de la reguloj ĉe unuopaj vortoj donas ofte diferencajn rezultojn kaŭzitajn de la senco aŭ de la deveno de la vorto (ekz. ŝi belis = ŝi estis bela, ŝi ĉarmis lin = ŝi ravis lin, fabriki = produkti, fabriko = produktejo, fabrikaĵo = produkto). La aŭtoroj tre detale esploris kaj klarigis tiujn efikojn, kies kono gravas precipe por literaturistoj (por originalaj verkistoj kaj same por tradukantoj). Ne malpli grava motivo estis prezenti la lingvon antaŭ lingvistoj sur profesia nivelo.

La unuopaj artikoloj estas markitaj kiel paragrafoj sinsekve numeritaj kaj dividitaj je partoj kaj subpartoj. Fine de la libro troviĝas alfabeta indekso de traktataj temoj kaj vortoj.

Enhavotabelo redakti

LA VORTO

I. FONETIKO
II. VORTFARADO
A. La vortkonsisto de la lingvo
B. Kunmetado
C. Derivado
D. Kritiko de la Esp-a vortsistemo
III. MORFOLOGIO KAJ SINETIO

LA FRAZO
I. LA VORTSINTAKSO
A. Substantiva kernvorto
B. Adjektiva kernvorto
C. Adverba kernvorto
D. Verba kernovorto
II. LA PROPOZICIO-SINTAKSO
III. FRAZSINTAKSO

INDEKSO

Recenzoj redakti

 
 ...Tiu verko, kiu montras al ni multan lertecon kaj erudicion pri gramatikaĵoj laŭ la latinrutina senco, tendencas fari el la akvoklaraj reguloj kaj komunkomprenaj leĝoj de Esperanto ian skolastikan komplekson vualitan de milvorta terminologia aparato, en kiu la mizera lingvo Esperanto dronas, tiel ke oni tute perdas ĝin... Jen facilanima provo sanktigi personan eraran elparolon francan-hungaran ... kontraŭ Zamenhof... Kun siaj meritoj detalaj la Plena Gramatiko estas malesperantaĵo... 
— 1936, Paul Nylén, Svenska Esperanto-Tidningen

Eksteraj ligiloj redakti