Port BE

- La mallongigo BE en Port BE staras por la svisa Kantono Berno. Por aliaj signifoj de la nomo vidu sub Port.

---

Port estis ĝis la 31-a de decembro 2009 komunumo de la distrikto Nidau kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 3301 loĝantojn je la 31-a de decembro 2010.

Port
Blazono de Port
Blazono de Port
Reguliga remparo kaj kluzo en Port
Reguliga remparo kaj kluzo en Port
komunumo en Svislando
Kantono	Berno
Administra distrikto	Bielo
Malnova distrikto ĝis 2009	Nidau
Koordinatoj	47° 7′ 0″ N 7° 15′ 0″ O (mapo)
Nombro de loĝantoj	3301
Areo	2,45 km²
Alteco	448 m super marnivelo
Poŝtkodo	2562
Komunumkodo	0745
Mapo de Port
Mapo de Port

Geografio

Port situas sude de la urbo Bielo ĉe la Nidau-Bühren-Kanalo, kiu estiĝis el la kunigo de Aro kaj Zihl. En Port situas la grava remparo, kiu reguligas la akvonivelon de la lagoj de Bielo, Neŭŝatelo kaj Morato. Port apartenas al la aglomeraĵo de Bielo kaj komplete kunkreskis kun la urbo kaj siaj aliaj najbaraj komunumoj.

La teritorio de la komunumo etendiĝas sur areo de 2,45 km², de kiuj 29,6% estas kovritaj de arbaro, 25,3% servas por agrikulturo kaj 40,8% por setlado.

Najbaraj komunumoj

La komunumo Port limas en nordo al Bielo, en nordoriento al Brügg, en oriento al Aegerten, en sudoriento al Jens, en sudo al Bellmund, en okcidento al Ipsach, kaj en nordokcidento al Nidau.

Trafiko

En Port kruciĝas la kantona ĉefvojo n-ro 235 kun la vojo n-ro 237.1. La plej proksima alveturejo al la svisa aŭtovojo A6 troviĝas en distanco de 1 kilometro de la komunumo nordoriente de la kanalo. Por la publika trafiko la komunumo estas konektita al la loka urba busreto de Bielo.

Lingvoj

Okaze de la popolnombrado de 2010 83,85% de la loĝantaro parolis la oficialan germanan lingvon kaj 11% la francan.

Historio

La unua dokumenta mencio de Port datiĝas el la jaro 1228 jam en la aktuala skriboformo Port. Dum mezepoko Port estis parto de la Insulgovio de la Grafejo de Nidau, kiu en la jaro 1382 fariĝis havaĵo de Friburgo kaj en 1398 estis akirita de Berno. En la jaro 1951 la loĝantaro de Port kaj Bielo decidis, ke Port estu integrita al la urbo Bielo, sed la kantona registaro de Berno ne permesis la kuniĝon de la du komunumoj, supozeble pro timo, ke la urbo Bielo fariĝintus tro influohava.

Vidu ankaŭ

• Aliaj signifoj de Port

Eksteraj ligiloj

• Oficiala retejo de la komunumo Port

•  Vidu ankaŭ en la Vikimedia Komunejo la kategorion Port BE – (Kolekto de bildoj kaj plurmediaj dosieroj)

Bildoj

• 
  Modernaj konstruaĵoj en Port
• 
  Vilaĝeniro
• 
  Novaj konstruaĵoj en Port