Pozořice

	Pozořice
	kampurbo
	Pozořice (supre, super la linio) kaj Sivice
Flago	Blazono
	Oficiala nomo: Pozořice
Ŝtato	Ĉeĥio
Regiono	Sudmoravia regiono
Distrikto	Distrikto Brno-provinco
Administra municipo	Šlapanice
Historiaj regionoj	Grandmoravia imperio, Moravio
Montaro	Drahana montetaro
Situo	Pozořice
- alteco	365 m s. m.
- koordinatoj	49° 12′ 45″ N 16° 47′ 27″ O / 49.21250 °N, 16.79083 °O (mapo)
Katastro	15,49 km² (1 549 ha) Pozořice
Loĝantaro	2 399 (2024)
Denseco	154,87 loĝ./km²
Unua skribmencio	1297
Horzono	MET (UTC+1)
- somera tempo	MET (UTC+2)
Poŝtkodo	664 07
NUTS 3	CZ064
NUTS 4	CZ0643
NUTS 5	CZ0643 583677
Katastraj teritorioj	1
Partoj de kampurbo	1
Bazaj setlejunuoj	1
	Situo enkadre de Ĉeĥio Situo enkadre de Ĉeĥio
	Vikimedia Komunejo: Pozořice
	Retpaĝo: www.pozorice.cz
	Portalo pri Ĉeĥio

Koordinatoj: 49° 12′ 45″ N 16° 47′ 27″ O / 49.21250 °N, 16.79083 °O (mapo)

Pozořice estas kampurbo troviĝanta en distrikto Brno-provinco en Sudmoravia regiono en Ĉeĥio. Ĝi troviĝas 15 km oriente de Brno, sur deklivoj de Drahana montetaro. Vivas ĉi tie 2 399 loĝantoj (2024).

La najbaraj municipoj de la setlejo estas Rousínov, Sivice, Viničné Šumice, Kovalovice, Hostěnice, Holubice kaj Olšany.

Pozořice estas komune kun pluaj ok municipoj enmembrigitaj en mikroregionon Rokytnice. La municipo estas urbanisme kunkreskinta kun la najbara Sivice en sudokcidento (ili havas kelke da komunaj stratoj). Sudoriente la konstruareo denove rekte ligas al Kovalovice. Komune kun la proksima Viničné Šumice la tuta aglomeraĵo havas proksimume 5,5 miloj da loĝantoj.

Historio

La unua skribmencio pri la vilaĝo el la jaro 1297.

En konekso kun la batalo ĉe Slavkov en la jaro 1805 estis en paroĥo en Pozořice kelke da tagoj enloĝigitaj francaj soldatoj. Post la venkita batalo ili marodis en la municipo onidire 4 tagoj brutaron, nutraĵojn kaj pli valorajn objektojn.^[1]

Dum la militaj eventoj fine de aprilo de 1945 pereis sur la teritorio de Pozořice 37 sovetaj soldatoj, la vivon perdis 3 lokaj loĝantoj kaj proksimume 4 domoj estis grave damaĝigitaj dum flugatakoj.

En la jaro 1947 Pozořice estis administre kunigita kun municipo Jezera (devene memstara municipo, fondita en la jaro 1710, hodiaŭ ĝi kreas la nordan parton de Pozořice).

Ekde la 10-a de oktobro 2006 estis al la municipo redonita statuso de kampurbo.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 292
1880	1 370
1890	1 489
1900	1 573
1910	1 704
1921	1 691

Jaro	Loĝantoj
1930	1 870
1950	1 882
1961	2 093
1970	1 980
1980	1 963
1991	1 888

Jaro	Loĝantoj
2001	1 976
2014	2 233
2016	2 255
2017	2 257
2018	2 248
2019	2 288

Jaro	Loĝantoj
2020	2 339
2021	2 279
2022	2 286
2023	2 374
2024	2 399

Memorindaĵoj

Stará Pošta Pozořice

Pli detalaj informoj troveblas en artikolo Stará Pošta (Kovalovice).

Hodiaŭ ĝi troviĝas en la katastro de la najbara Kovalovice. Ĝi estis konstruita en la jaro 1785. Temas pri historie valora kaj signifa memorindaĵo el periodo de la batalo ĉe Slavkov. En tiu ĉi rejunga stacio de aŭstria poŝto havis la 28-an de novembro 1805 ĉefan tendon marŝalo Murat. La saman tagon ĉi tie havis konsulton kun siaj marŝaloj imperiestro Napoleono kaj la 2-an de decembro 1805 ĉi tie estis ĉefa posteno de la rusa generalo Bagration. Post la venka batalo imperiestro Napoleono tranoktis en Stará Poště kaj la 3-an de decembro 1805 li ĉi tie akceptis aŭstran ambasadoron de princo Liechtenstein, por ke ili interkonsentu kunvenon pri fermo de armistico inter imperiestro Francisko la 1-a kaj Napoleono. Hodiaŭ en tiuj ĉi lokoj troviĝas restoracio.

Kastelo Pozořice
Preĝejo de Ĉielpreno de Virgulino Maria

Transporto

Tra la municipo kondukas ŝoseo II/383 kondukanta el Bílovice nad Svitavou tra Ochoz u Brna al vojkruciĝo kun ŝoseo II/430 proksime de alveturejo al aŭtostrado D1 ĉe Holubice. Sudokcidente preter la municipo kondukas longa fervoja branĉtrako el Blažovice ĝis cementejo en Mokrá.

Naskiĝintoj

František Smejkal (1880–1942), brigada generalo i.m., legionulo, ekzekutita pro partopreno en la 2-a rezistmovado^[2]
Josef Podsedník, politikisto, urbestro de urbo Brno 1946–1948, en politika proceso kondamnita al 18 jaroj de malliberigo
Josef Kratochvil (1914-2001), pedagogo, etologo
Metoděj Kocourek (1885–1975), skulptisto
František Neužil (1907–1995), verkisto
František "Goliš" Drápal (*1958), muzikisto, membro de muzika grupo Rangers – Plavci