Vignogn

Vignogn
Blazono de Vignogn
Vignogn en vintro
vilaĝo • former municipality of Switzerland
Kantono	Grizono
Distrikto	Surselva
Komunumaro	Lumnezia/Lugnez
Koordinatoj	46° 41′ 53″ N 9° 9′ 11″ O (mapo)
Nombro de loĝantoj	178
Areo	7,90 km²
Alteco	1239 m super marnivelo
Poŝtkodo	7147
Komunumkodo	3604
Mapo de Vignogn

Pri la komunumo

Vignogn (malnova germanlingva kaj ĝis 1983 oficiala nomo estis Vigens) estas komunumo de la komunumaro Lumnezia/Lugnez kaj la distrikto Surselva en Kantono Grizono, Svislando. Ĝi havis 178 loĝantojn je la 31-a de decembro 2009.

Geografio

Vignogn situas en la valo Lumnezia. La teritorio de la komunumo etendiĝas ambaŭflanke de la rivero Glogn (germanlingve Glenner). La teritorio de la komunumo havas areon de 7,91 km², de kiuj proksimume triono, nome 2,47 km² estas kovritaj de arbaro, 4,55 km² servas por agrikulturo kaj 0,21 km² por setlado, la resto estas dezerta nome en la altmontaro. Krom la vilaĝo Vignon al la komunumo apartenas la setlejoj Prau Veder, Sumaseras, Sogn Gudegn, Seglias kaj diversaj izolitaj bienoj. La teritorio oriente de la rivero Glogn estas la valo Val Gronda, arbara kaj montara teritorio neloĝata.

Loĝantaro kaj lingvoj

Laŭ enketo de la jaro 2004 ĉiuj de la tiam 187 loĝantoj estis svisaj civitanoj. 89% parolis denaske la sursilvanan dialekton de la romanĉa lingvo kaj 10% la germanan.

Najbaraj komunumoj

La komunumoVignogn limas en nordo al Degen, en oriento al Suraua, en sudsudoriento al Sankt Martin, en sudo al Lumbrein, kaj en okcidento al Obersaxen.

Trafiko

Vignogn situas ĉe la vojo de Ilanz al Vrin, sur kiu kondukas poŝtaŭtolinio, per kiu la komunumo estas konektita al la publika transportreto.

Historio

La unua dokumenta mencio de Vignogn datiĝas el la jaro 1325 kiel Vinanne. Dum frua mezepoko Vignogn estis reĝa bieno kaj dum meza mezepoko la sidejo de la episkopaj vasaloj de Viggon. La feŭdo poste transiris al la Senjoroj de Belmont kaj en la jaro 1371 al la Senjoroj de Sax-Misox. En la jaro 1538 la loĝantoj de Vignogn sin liberaĉetis de la episkopa feŭdo.

Eksteraj ligiloj

• Oficiala retejo de la komunumo Vignogn
• Vignogn en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Vignogn – (Kolekto de bildoj kaj plurmediaj dosieroj)