Preĝejo Sankta Antonio (Szigetvár)

La franciskana preĝejo Sankta Antonio de Padovo estas sakrala historia monumento en urbo Szigetvár (Hungario).

Preĝejo Sankta Antonio de Padovo
konstruaĵo
Loko
Ŝtato	Hungario
Municipo	Szigetvár
Bazaj informoj
Religio	kristanismo
Rito	romkatolika eklezio
provinco	Suda Transdanubio
diocezo	Pécs
dekanujo	Szigetvár
Arkitektura priskribo
Konstrustilo	baroko
Konstruado	1731–1736
Specifo
Konstrumaterialo	masonaĵo
Ligiloj
Adreso	7900 Szigetvár Zrínyi tér 9.

Historio

Post dominado de turkoj franciskanoj alvenis kaj ili konstruis kirkon kune kun la apuda monaĥejo en la 1730-aj jaroj en loko de turka moskeo. La orgeno origine estis kreita en 1897 en Szentegát, poste trakonstruita en 1901, fine portita al Szigetvár en 1976. La franciskanoj estis forigitaj en 1950, poste la diocezo transprenis la taskojn. La kirko estis renovigita en 2018.

Konstruaĵoj

Preĝejo

La preĝejo situas laŭ la trotuaro inter profana teretaĝa domo kaj la monaĥejo. La fasado estas malsimetria, ĉar la kvadrata turo altiĝas inter la navo kaj la monaĥejo. La enirejo situas en mezo de la nava fasado. Apude estas videblaj po unu malgrandaj fenestroj, pli supre estas jam pli grandaj fenestroj, la plej supre sola malgranda rondfenestro. La turpinto estas piramida. La turo havas 2 sonorilojn, kiuj venis el Turbék. Interne la triobla baroka ĉefaltaro (1736) estas altvalora, same la mebloj de la sakristio, kiuj estis kreitaj ĉirkaŭ 1770. Sub la preĝejo jam neuzitaj kriptoj estas.

Monaĥejo

La origine duetaĝa monaĥejo estis konstruita en 1740. La dua etaĝo estis malkonstruita en 1830. La konstruaĵo ĉirkaŭas ĝardenon, kie iam la franciskanoj kultivis legomojn. Nuntempe la domo estas muziklernejo kaj en la ĝardeno oni aranĝas koncertojn.

Kermeso okazas en la 13-an de junio.

Vidu, aŭdu ankaŭ

• sonorado

Fontoj

• hungare kun fotoj
• hungare kun foto Arkivigite je 2017-07-01 per la retarkivo Wayback Machine
• hungare kun foto
• datenoj
• pri la altaro kun foto