Szigetvár

Szigetvár [sigetvAr], estas urbo kun titolo vinvilaĝo kaj kuracbanloko en Hungario, en regiono Suda Transdanubio, en departemento Baranya, en Distrikto Szigetvár, kies centro ĝi estas. La loknomo signifas insulofortikaĵo. La fortikaĵo fakte konstruiĝis sur insulo, tamen la nomo devenas de iama posedanto Sziget.

Szigetvár
Hungaria urbo (1966–) vd
Flago	Blazono
Administrado
Ĝemelurboj Imatra Eppingen Deva vd
Poŝtkodo	7900
En TTT	Oficiala retejo [+]
Demografio
Loĝantaro	9 496  (2024) [+]
Loĝdenso	240 loĝ./km²
Geografio
Geografia situo	46° 3′ N, 17° 48′ O (mapo)46.047517.799444444444 [+]
Areo	39,52 km² (3 952 ha) [+]
Horzono	Mezeŭropa tempo [+]
Szigetvár (Baranya) DEC Situo de Szigetvár
Partoj Partoj Q2340514 vd
Alia projekto
Vikimedia Komunejo Szigetvár [+]

Urbodomo en Szigetvár

Geografio

Szigetvár situas sur ebenaĵo laŭ rojo, laŭ ĉefvojo kaj fervojo Budapeŝto-Barcs. Szentlőrinc 16, Barcs 31, Pécs 34, Budapeŝto 220 km.

Ĉefpordo de fortikaĵo en Szigetvár

Memorparko en Szigetvár: Nikolao Zrínyi kaj Sulejmano la 1-a

Historio

Pli frue vivis tie keltoj, romianoj kaj avaroj. Tie fluis rojo, apude bienulo Sziget konstruis fortikaĵeton, poste oni faris marĉon kaj rojobranĉojn ĉirkaŭ la fortikaĵo. La komunumo iĝis kampurbo en la 15-a jarcento En 1556 la turkoj malsukcese sieĝis la fortikaĵon, sed ili sukcese okupis ĝin post 10 jaroj. La turkoj pligrandigis la fortikaĵon kaj tenis ĝin ĝis 1689. Pli frue en 1686 incendio okazis. Inter 1918-1921 la serboj okupadis la urbeton. En 1966 la setlejo ricevis la rangon urbo.

En la urbo estas grava la ŝuofabriko kaj konservaĵofabriko.

Vidindaĵoj

• Preĝejo de Sankta Roĥo (Szigetvár)
• Preĝejo Sankta Antonio (Szigetvár)
• Preĝejo Helpema Sankta Maria (Szigetvár)
• Kalvinana preĝejo (Szigetvár)
• Fortikaĵo de Szigetvár
• unusola turka loĝdomo en Hungario
• kastelo de Polák
• kuracbanejo
• rande de la urbo romkatolika pilgrimloko troviĝas, pli frue la turkoj pilgrimadis tien

Ambaŭ Miklós Zrínyi

Familio Zrinyi estis kroata-hungara historia familio, dinastio. En 1566 Miklós Zrínyi (heroo) defendis la fortikaĵon, sed el ekstero li ne ricevis helpon, krome estis nekutima varmo, sekve la marĉo sekiĝis. Fine de la sieĝo Zrinyi kune kun la restintaj hungaroj abrupte atakis la turkojn. Ili heroe mortis, dume la maljuna sultano Sulejmano la 1-a mortis. Tiun agon kantis nepo de Zrínyi, havanta la saman nomon Miklós Zrínyi. Oni faris parkon en loko de morto de la sultano.

Famuloj

• en Szigetvár naskiĝis:
  • advokato Mihály Hompola
  • aktoroj Levente Kárpáti, Gellért Raksányi kaj Ottó Szabó
  • Béla Gyarmati (arbarinĝeniero)
  • fotisto Olga Máté
  • kuracisto József Babocsay
  • Péter Módos (luktisto)
  • ministro Péter Ákos Bod
  • grafikisto Sándor Pinczehelyi

Famaj nomportantoj

• György Szigetvári

Ĝemelurboj

• Imatra, Finnlando
• Eppingen, Germanio
• Slatina, kroatio
• Trabzon, Turkio
• Déva, Rumanio

Komunumoj pri sziget (= insulo) en Hungara reĝlando

Dunasziget	Gelsesziget	Kertészsziget	Kissziget	Kunsziget
Máramarossziget	Murasziget	Őrisziget	Szécsisziget	Sziget
Sziget	Szigetbecse	Szigetcsép	Szigethalom	Szigetmonostor
Szigetszentmárton	Szigetszentmiklós	Szigetújfalu	Szigetvár	Tiszasziget
Torontálsziget

Kirko Sankta Roĥo en Szigetvár

Eksteraj ligiloj

• distancoj
• hungare

Turka loĝdomo en Szigetvár