Rimportretoj

Rimportretoj - Galerio de Esperantaj Steloj. Originale Esperantlingve verkitaj de Kálmán Kalocsay, Budapest: Literatura Mondo 1931, 128 p., 2-a milo 1934.

Rimportretoj
Rimportretoj
Aŭtoro	Kálmán Kalocsay
Eldonjaro	1931
Urbo	Budapeŝto
Eldoninto	Literatura Mondo
Paĝoj	114

Recenzoj

	„ Plaĉa albumeto, kun sesdeko da fotoj montrantaj la plej konatajn nunajn Esperantistojn, verkistojn, vortaristojn, administrantojn, recenzistojn, kaj pri ĉiu el ili la poeto verkis laŭdan aŭ informan, aŭ moketan rondelforman poemeton. ” — 1931, Georges Stroele, Esperanto, paĝo 145

„ En la libro Rimportretoj ni ree estas ĉe poeto K. 58 fotografaj bildoj; apude malgranda rimaĵo, nomita rondelo, fiksas trafe per kelkaj frapantaj trajtoj eminentajn Esp -verkistojn kaj propagandistojn. — Se la Esperantistaro estas unu granda familio, sekve estas tiaj poesietaĵoj donaco de unu fidela amanta infano al amataj gefratoj. Vivant sequentes! — Ĉiu alia fidela infano mendu tuj la libreton por vide kaj spirite konatiĝi kun eminentaj gefratoj kaj ekĝoji pri la ĉarmaj, spirite spicaj versoj. ” — Aŭstria Esperantisto (revuo) n.85 (apr 1932)

	„ Tre interesaj, kelkfoje malice ironiaj kaj pikaj portretoj pri kelkaj «steloj » de la Esperanta Literaturo. Ne necesas aldoni ke la leganto renkontos stelojn « de diversa grandeco » kaj eble ankaŭ iun aŭ alian pri kies facile atribuita « stel-eco » li iom miros. ” — Belga esperantiston190 (nov 1931)

„ La satiro ankoraŭ ne trovis ampleksan lokon en nia literaturo. Eĉ en ĉi tiu portretaro, kie oni nepre ĝin atendus, ĝi preskaŭ mankas. “Preskaŭ”— tamen en du-tri rondeloj Kalocsay kuraĝas piki. Ĉar en ili troviĝas iom da gaja malico, tial aparte plaĉis al mi la strofoj pri Barthelmess, Sturmer, Ramboux, kaj —ĉu mi kuraĝu diri ?-— mi mem. Eble en kelkaj aliaj embuskas delikata klingo; ekzemple, en la rondeloj pri —sed mi estu diskreta : mi ne dezirus seniluziigi la personojn kiuj alie eble taksos tute seriozaj la versojn pri ili. La kolekto estas ĉefe literatura. La gajaj, preskaŭ ĉiam trafaj, aludoj al konataj verkistoj kaj aliaj sendube agrabligos horon al la literaturamanto. De tiu plezuro ne la plej malgrandan parton provizas la teĥnika lerto de la verkinto. Krom tio, estas ĉiam interese havi bonajn fotografaĵojn de la personoj, kiuj gvidas nian movadon aŭ helpas formi nian literaturon. Ĉiu leginto sendube sopiros duan serion da Rimportretoj. ” — L. N, NEWELL. La Brita Esperantisto - Numero 322, Februaro (1932)

Eksteraj ligiloj

• Enciklopedio de Esperanto/R en sia originala formo en la Interreto
• Enciklopedio de Esperanto en elŝutebla versio (PDF).
• Katalogo de Biblioteko Hippolyte Sebert
• Katalogo de CDELI
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo de Kataluna Esperanto-Asocio
• Katalogo de Libraro Ludovika
• Katalogo de Nacia Biblioteko de Esperanto
• Katalogo de Universitato de Amsterdamo