Ruud Lubbers

Rudolphus Franciscus Marie "Ruud" LUBBERS (* 7-a de majo 1939, Roterdamo - mortis la 14-an de februaro 2018) estis nederlanda ekonomikisto, entreprenisto kaj politikisto (Christen-Democratisch Appèl). De 1982 ĝis 1994 li estis ĉefministro de Nederlando. Poste li aktivis por la konservado de la naturo, la forigo de nukleaj armiloj kaj pozitiva alproksimiĝo al eksterlandanoj kaj rifuĝintoj.

Ruud Lubbers
Nederlandaj ĉefministroj
Ruud Lubbers 1985.jpg
Persona informo
Naskonomo Rudolphus Franciscus Marie Dion Lubbers
Naskiĝo 7-an de majo 1939 (1939-05-07)
en Roterdamo
Morto 14-an de februaro 2018 (2018-02-14) (78-jara)
en Roterdamo
Religio katolikismo [#]
Lingvoj nederlanda lingvo [#]
Ŝtataneco Reĝlando de Nederlando [#]
Alma mater Erasmo-Universitato de Roterdamo [#]
Partio Kristandemokrata Apelo [#]
Subskribo Ruud Lubbers
Familio
Edz(in)o Ria Hoogeweegen [#]
Infanoj Bart Lubbers [#]
Profesio
Okupo ekonomikistopolitikistodiplomato • entreprenisto • profesoro • pacaktivisto • universitata profesoro [#]
Aktiva dum 1962– [#]
Dum 4-a de novembro 1982 - 22-a de aŭgusto 1994
Antaŭulo Dries van Agt
Sekvanto Wim Kok
[#] Fonto: Vikidatumoj
Information icon.svg
vdr

Lubbers naskiĝis en familio de entreprenistoj. Li frekventis lernejon de la jezuitoj kaj studis ekonomion en Roterdamo. En 1963 li transprenis la firmaon (pri konstruado kaj maŝinoj) de la patro, komune kun frato.

Li aliĝis al la katolika partio, kiu poste fariĝis parto de la kristandemokrata. En 1973-77 li servis kiel ministro pri ekonomio kaj en 1978 komencis esti ĉefo de la parlamenta frakcio. En 1982 li fariĝis ĉefministro kaj restis tio ĝis 1994, kun diversaj koaliciaj partneroj. Poste li profesoris en la universitato de Tilburg kaj aliloke.

Fine de 2000 Lubbers fariĝis alta komisiito pri rifuĝintoj, ĉe UN. Li helpis al pli bona financado de la organizaĵo, sed en 2005 li decidis demisii post ripetaj plendoj pri lia konduto al virinoj.

Kiam en 2006 oni en Nederlando bezonis novan registaron, la reĝino nomumis Lubbers taskumiton por enketi inter la parlamentaj frakcioj (informateur).