Seewen SO

- La mallongigo SO en Seewen SO staras por la svisa Kantono Soloturno. Por aliaj signifoj de la nomo vidu sub Seewen..

---

Seewen estas komunumo en la distrikto Dorneck en Kantono Soloturno, Svislando. Ĝi havis 1 008 loĝantojn je la 31-a de decembro 2010.

Seewen
Blazono de Seewen
Blazono de Seewen
Seewen
Seewen
komunumo en Svislando
Kantono	Soloturno
Distrikto	Dorneck
Geografia situo	CH1903: 616679 / 253947 (mapo)47.4361111111117.6597222222222
Nombro de loĝantoj	1008
Areo	16,30 km²
Alteco	544 m super marnivelo
Poŝtkodo	4206
Komunumkodo	2480
Mapo de Seewen
Mapo de Seewen

Geografio

La komunumo Seewen situas ĉe la norda flanko de la Soloturna Ĵuraso, proksimume 15 kilometrojn sudoriente de la urbo Bazelo en la tiel nomita Nigrobubolando proksimume 5 kilometrojn norde de Dornach. La terenon de la komunumo senakvigas la rojo Seebach, kies akvo estas retenita en la lageto Baslerweiher. Seebach estas alfluanto de Birs.

La teritorio de la komunumo etendiĝas sur areo de 16,30 km², de kiuj 54,0% estas kovritaj de arbaro, 40,3% servas por agrikulturo kaj 5,8% por setlado.

Najbaraj komunumoj

La komunumo Seewen limas en nordo al Hochwald, en nordoriento al Büren, en oriento al Ziefen (BL), en sudoriento al Reigoldswil (BL), en sudo al Bretzwil (BL), en sudokcidento al Nunningen, en okcidento al Himmelried, kaj en nordokcidento al Duggingen (BL).

Trafiko

Tra la komunumo Seewen pasas vojo de Liestal al Grellingen, kaj konekta vojo kondukas de Seewen suden al Bretzwil. Per poŝtaŭtolinioj al Liestal, Grellingen kaj Bretzwil la komunumo estas konektita al la publika transportreto. La plej proksima alveturebleco al la svisa aŭtovojo A2 troviĝas en Liestal tra la aŭtovojo H2.

Historio

La unua dokumenta mencio de Seewen datiĝas el la jaro 1147 kiel Sewin. En la jaro 1317 la senjoroj de Ramstein interŝanĝis la bienojn de la Monaĥejo Beinwil en Seewen kontraŭ grandan bienon kaj kapelon en Brislach. En la 15-a jarcento Soloturno enmiksiĝis en heredan disputon de la senjoroj de Ramstein kaj akiris en la jaro 1487 la vilaĝon.

Vidindaĵoj

La muzeo por muzikaŭtomatoj estas ek de 1990 filio de la Svisa Nacia Muzeo en Zuriko.

Vidu ankaŭ

• Aliaj lokoj kun la nomo Seewen

Eksteraj ligiloj

• Seewen SO en la Historia Leksikono de Svislando  (germane, france, itale)

• Oficiala retejo de la komunumo Seewen

•  Vidu ankaŭ en la Vikimedia Komunejo la kategorion Seewen – (Kolekto de bildoj kaj plurmediaj dosieroj)