Salvador Sobral
Salvador Vilar Braamcamp Sobral (naskiĝinta la 28-an de decembro 1989 en Lisbono) estas portugala kantisto. Li venkis la Eŭrovido-Kantokonkurson en la 13.5.2017 en Kievo kantante la kanton Amar pelos dois[1].
| Salvador Sobral | |
|---|---|
 Salvador Sobral (2017) | |
| Persona informo | |
| Naskonomo | Salvador Thiam Vilar Braamcamp Sobral |
| Naskiĝo | 28-an de decembro 1989 (34-jaraĝa) en Lisbono |
| Lingvoj | angla • portugala • kataluna |
| Ŝtataneco | Portugalio |
| Alma mater | Taller de Músics • ISPA – University Institute |
| Familio | |
| Patro | Salvador Luís Cabral Braamcamp Sobral |
| Patrino | Luísa Maria Cabral Posser Vilar |
| Frat(in)o | Luísa Sobral |
| Edz(in)o | Jenna Thiam |
| Okupo | |
| Okupo | kantisto • diskografa artisto |
| TTT | |
| Retejo | http://salvadorsobralband.bandcamp.com/ |
Origino redakti
Sobral devenas el portugala nobela familio. Lia fratino Luísa Sobral (* 1987) estas ankaŭ kantistino. La gepatroj estas Salvador Luis Cabral Braamcamp Sobral (* 1955) kaj Luisa Posser de Andrade Vilar (* 1960). Ilia praavo Luis José Aimable Braamcamp Sobral (1874–1934) estis la kvara Grafo de Sobral.
Vivo redakti
Unue Sobral studis psikologion sed baldaŭ li aliorientiĝis je ĵazo. Post studoj en Barcelono li iris al Usono. Poste li denove studis ĵazmuzikon ĉe la altlernejo "Taller de Musics" en Barcelono. Liaj unuaj projektoj influitis de la stilo de Chet Baker kaj de la brazila Bossa Nova krom aliaj sudamerikaĵoj. En 2009 li partoprenis la portugalan version de la artistelekta konkurso Ídolos kaj estis je la sepa rango. En 2016 sevkis lia unua kompleta albumo sub la titolo Excuse me. Ĉe la kantoj li kunlaboris kun la venezuela komponisto Leonardo Aldrey. Lia fratino Luisa liveris propran komponaĵon I Might Just Stay Away.