Tataháza

Tataháza (tatahAza) estas vilaĝo en Hungario, en regiono Suda Ebenaĵo, en departemento Bács-Kiskun, en distrikto Bácsalmás. La nomo signifas domo de Tata.

La vilaĝdomo kun kolono Sankta Triunuo

Bazaj informoj

• Areo: 26 km²
• Loĝantaro: 1500
• Poŝtkodo: 6451
• Telefonprefikso: 79

Situo

Tataháza situas sur ebenaĵo, laŭ ĉefvojo Baja-Szeged. Baja troviĝas 28, Bácsalmás 6 km-ojn for.

Historio

Pli frue sarmatoj loĝis tie. La nomo aperis unuafoje en 1485 en formo Thad. Dum la turkoj la vilaĝo senhomiĝis. Hungaroj refondis ĝin en 1764. Ventomuelejo konstruiĝis en 1833, poste la ceteraj. Inter 1918-1921 la serboj okupis la vilaĝon kaj kun la regiono formiĝis respubliko.

Vilaĝservoj estas lernejo, infanĝardeno, kulturdomo, biblioteko, sportejo.

Vidindaĵoj

• katolika preĝejo de 1783
• lago
• ventomuelejo