Malfermi la ĉefan menuon

Universitato Maria Curie-Skłodowska

Universitato Maria Curie-Skłodowska en Lublin (pole: Uniwersytet Marii Curie-Skłodowskiej w Lublinie, UMCS) – publika universitato fondita en 1944, kiel la kvina universitato en Pollando.

HistorioRedakti

La universitato estis vivigita la 23-an de oktobro 1944 kiel ŝtata altlernejo, komence kun kvar fakultatoj: medicino, naturscienco, agrikulturo kaj veterinara medicino. Dum preskaŭ tri monatoj ekestis la kvina - farmacio. Solena inaŭguro de la unua akademia jaro okazis la 14-an de januaro 1945. Tiutempe sciencan skipon konsistigis 42 profesoroj, interalie el altlernejoj de Lvovo kaj Vilno. Ekstudis 806 aŭskultantoj. Organizanto kaj unua rektoro iĝis zoologo profesoro Henryk Raabe.

LekciistojRedakti

EdukadoRedakti

UMCS gvidas 80 studdirektojn el pli ol 150 specialiĝoj kadre de studoj de la unua kaj dua grado kaj la magistraj, krome pli ol 20 direktojn ĉe doktorecaj studoj en diversaj scienckampoj kaj ĉ. 100 direktojn de postdiplomaj studoj. De 2012 la Universitato gvidas Infanan Universitaton en Lublin, kiu organizas okupojn por infanoj en la aĝo de 6 ĝis 12 jaroj.

BazoRedakti

Konstruaĵoj

Ĉefa Biblioteko

Chatka Żaka

Fondita en 1965 Akademia Kultur-Centro de UMCS "Studenta Kabano" estas tria laŭ grandeco kultura centro en Lublin. La centro estas organizanto de kulturaj aranĝoj, koncertoj, renkontoj kun artistoj, filmaj kaj teatraj trarigardoj. Fine de la 70-aj jaroj de la 20-a jarcento ĉi tie disvolvis sian agadon Studenta Orientalisma Esperanto-Rondo.

Eksteraj ligilojRedakti