Verměřovice

Vilaĝo Verměřovice situas en Ĉeĥio, regiono Pardubice, distrikto Ústí nad Orlicí, en submontaro de Orlické hory, 5 km sudokcidente de urbo Jablonné nad Orlicí kaj 5 km sudoriente de urbo Letohrad. Vivas ĉi tie 794 loĝantoj (2024).

Verměřovice
municipo
Ŝoseo en Verměřovice
Flago Blazono
Oficiala nomo: Verměřovice
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Jablonné nad Orlicí
Historia regiono	Bohemio
Montaro	Suborlica montetaro
Rivero	Tichá Orlice
Situo	Verměřovice
- alteco	384 m s. m.
- koordinatoj	50° 00′ 25″ N 16° 33′ 44″ O (mapo)
Katastro	5,98 km² (598 ha) Verměřovice
Loĝantaro	794 (2024)
Denseco	132,78 loĝ./km²
Unua skribmencio	1304
Horzono	MET (UTC+1)
- somera tempo	MET (UTC+2)
Poŝtkodo	561 52
NUTS 3	CZ053
NUTS 4	CZ0534
NUTS 5	CZ0534 581119
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Verměřovice
Retpaĝo: www.vermerovice.cz
Portalo pri Ĉeĥio

La najbaraj municipoj de la setlejo estas Mistrovice, Dolní Čermná, Letohrad, Petrovice kaj Bystřec.

Historio

Vilaĝo Verměřovice ekestis fine de la 13-a kaj komence de 14-a jarcentoj, parto sur maldekstra flanko de Tichá Orlice per koloniigo de sinjoroj el Drnholec kiu apartenis al la sinjorejo Lanšperk kaj parto ĉe la dekstra rivera bordo ekestis pli malfrue per koloniigo de la sinjorejo Žamberk. Parto de Lanšperk estas atestita jam en la jaro 1304, kiam reĝo Venceslao la 2-a donacis ĝin al la monaĥejo Zbraslav. Fine de la 15-a jarcento ĝi fariĝis parto de bienego Orlice de Straĥotoj el Kralovice. Parto de Žamberk estis unue rememorata nur en la jaro 1553. En 1568 ĝi fariĝis parto de la sinjorejo Kyšperk kaj en la jaro 1650 familiaro Vitanovský el Vlčice al ĝi alligis ankaŭ parton de sinjorejo Lanšperk. De tiam la vilaĝo estis parto de la sinjorejo Kyšperk ĝis nuligo de patrimonia sistemo en la jaro 1848.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	671
1880	704
1890	691
1900	721
1910	682
1921	651

Jaro	Loĝantoj
1930	639
1950	541
1961	550
1970	567
1980	627
1991	631

Jaro	Loĝantoj
2001	719
2011	727
2014	726
2016	742
2017	747
2018	747

Jaro	Loĝantoj
2019	749
2020	754
2021	720
2022	760
2023	767
2024	794

Memorindaĵoj

Preĝejo

Pseŭdostila preĝejo de Sankta Johano Baptisto estis konstruita en la jaro 1900 sur loko pli malnova kapelo. Ĝi estas ununava oblonga kun trilatere fermita presbiterejo kaj kun turo en la okcidenta fronto. La navo estas platplafona, la pastrejo estas volbita per konĥo. La ekipaĵo estas pseŭdorenesanca. Sur altaro estas bildo de Sankta Johano Baptisto de L. Mühl, sur flankoj statuoj de Sankta Joaĥimo kaj Sankta Anna el la jaroj 1660 - 1670. Malgranda bildo de Sankta Sebastiano kaj Roĥo estis kreita ĉirkaŭ la jaro 1800.

Krucoj kaj statuoj

• Antaŭ la preĝejo estas ŝtona krucifikso el la jaro 1839,
• ĉe la n-ro 1, malantaŭ la ŝtona ponto staras metala kruco sur ŝtona soklo,
• simila metala kruco estas ĉe la n-ro 44 en malsupra vilaĝparto,
• sur limo de ĝardenoj al n-ro 15 kaj n-ro 19 estas rustika ŝtona kruco,
• apud vojo al arbaro nomata "Kněžství" estas sabloŝtona statuo de Sankta Maria,
• en limkruciĝo de katastraj distriktoj Verměřovice, Bystřec kaj Dolní Čermná staras limŝtono kun jarnumero 1866.

Memortabulo

En ekstera muro de la preĝejo estas memortabulo al loĝantoj falintaj en la unua mondmilito, malkovrita en la jaro 1928.

Ponto

Ponto trans la rivero Tichá Orlice en supra parto de Verměřovice estis konstruita en la jaro 1895 el sabloŝtonaj kvadroj. Ĝi estas 29 m longa, 4 m larĝa kaj atestas pri bona kapablo de la konstruistoj.

Ripozpromenoj

En Verměřovice estas kelkaj okazoj por agrabla ripoza promenado. Ekzemple apud rivera kluzo en deklivo estas fonto de bona akvo. Ĉe ĝi estas budo, benkoj en ombro de arboj, sanktaj bildetoj kaj kapeleto. De ĉi tie oni povas ascendi ĝis verto de monteto "Hůra", de kie estas bela panoramo al Orlické hory, Suchý vrch kaj Králický Sněžník.

Alia promeno estas ĉe maldekstra bordo de Tichá Orlice laŭ flava signaro ĝis Letohrad aŭ male kontraŭ fluo de Čermenka al Podhorní muelejo kaj Dolní Čermná kaj al pilgrimejo Mariánská hora (Mariakulta monto).

Literaturo

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.