Vigilio
|
Ne konfuzu ĉi tiun artikolon kun Sankta Virgilio. |
Vigilio, latine Vigilius, (naskiĝis ĉirkaŭ 500 en Romo kaj mortis en Sirakuzo en 555) estis papo de 537 ĝis sia morto. Laŭ Prokopio el Cezareo, lia patro Ioannes estis konsulo kaj lia frato Reparatus estis senatano. En jaro 531 Vigilio iĝis diakono. Li estis ambasadoro kaj kunulo de papo Agapeto la 1-a en Konstantinopolo al Justiniano la 1-a, tie li akiris apogon de la imperiestra edzino Teodora kontraŭ monofizitismo. Kiam Agapeto mortis per veneno en kortego, la imperiestredzino volis ke Vigilio estu papo, sed, ĉar Silverio estis jam elektita kiel papo, ŝi sendis la generalon Belizaro por eksigi la papon. Silverio estis arestita kaj devis rezigni la papecon kaj estis mortigita kelkajn semajnojn poste.
| Vigilio | ||
|---|---|---|
| 59-a papo de la katolika eklezio | ||
| ||
| Pontifiko | de la 31-a de marto 537 | |
| ĝis la 7-a de junio 555 | ||
| Antaŭulo | Silverio | |
| Sekvanto | Pelagio la 1-a | |
| Persona informo | ||
| Naskiĝo | je nekonata dato ĉirkaŭ 500 en Romo, Reĝlando de la ostrogotoj | |
| Morto | 7-an de junio 555 en Sirakuzo, Bizanca imperio | |
| Lingvoj | latina lingvo [#] | |
| Familio | ||
| Patro | Ioannes | |
| Gefratoj | Reparatus [#] | |
| [#] | Fonto: Vikidatumoj | |
Virgilio, ĉar dependis de subteno de konstantinopola kortego, ne firme kondamnis la monofizitismon, pro tio, li estis malŝatita de okcidenta pastraro, kaj kiam li mortis, li ne estis entombigita en Baziliko de Sankta Petro de Romo.
