Abbeville

Por samtitola artikolo vidu la paĝon Abbeville (stacidomo).

Abbeville (prononcu [abvil]) estas mezgranda franca komunumo lokita en la departemento Somme kaj en la regiono Hauts-de-France. Ĝi estas unu el la subprefektejoj de la departemento, kaj estis malnovtempe la centro de la provinco Ponthieu.

Abbeville
komunumo en Francio vd
Blazono
Blazonado: el oro, kun tri bendoj el lazuro, kaj bordero el gorĝo, kun kapo el lazuro semita de lilioj el oro, kiu estas de Francio
Administrado
Statuso	Urbo
Lando	Francio
Regiono	Hauts-de-France
Departemento	Somme (subprefektejo)
Arondismento	Abbeville (ĉefurbo)
Kantono	Abbeville-Nord
Ĝemelurboj Argoso Burgess Hill vd
INSEE kodo	80001 [+]
Poŝtkodo	80100
En TTT	Oficiala retejo [+]
Politiko
Urbestro	S-ro Nicolas Dumont 2014-2020
Demografio
Loĝantaro	22 595  (2021) [+]
Loĝdenso	855 loĝ./km²
Geografio
Geografia situo	50° 6′ N, 1° 50′ O (mapo)50.1052777777781.8352777777778 [+]
Alto	8 m [+]
Areo	26,42 km² (2 642 ha) [+]
Horzono	UTC+01:00 [+]
Abbeville (Somme) DEC Situo de Abbeville
Abbeville (Francio) DEC Situo de Abbeville
Alia projekto
Vikimedia Komunejo Abbeville [+]
Premioj • Militkruco 1914-1918 vd

Geografio

Abbeville troviĝas ĉe la rivero Somme, proksimume 20 kilometrojn oriente de la enfluejo de tiu ĉi en la Manika Markolo. Mezepoke, Abbeville estis la plej malalta loko, kie oni povis trapasi la riveron : proksimume pasis la armeo de la angla reĝo Eduardo la 3-a antaŭ la batalo de Crécy en 1346.

Historio

Abbeville aperis je la 9-a jarcento. Ĝi tiam apartenis al la abatejo Sankta Riquier, sed estis pliposte regita de la grafoj de Ponthieu. La urbo fariĝis definitive franca en 1477, per kapto fare de la franca reĝo Ludoviko la 11-a.

En 1514 okazis en Abbeville la edziĝo de Ludoviko la 12-a kun Mary Tudor, la filino de Henriko la 8-a.

Abbeville estis relative grava urbo je la 18-a jarcento, ĉar la reĝa manufakturo Van Robais (unu el la unuaj atentindaj manufakturoj de Francio) alportis vastan riĉecon al la urbo. Voltaire, inter alie, skribis pri tio, sed ankaŭ pri la misaventuro de la kavaliro de La Barre, juna kaj malriĉa landsinjoro kiu estis ekzekutita pro laŭdira malpieco.

La 12an de septembro 1939 en Abbeville dum la brita-franca konferenco okazis perfido de Aliancanoj - ĉefministroj de Britio kaj Francio decidis ne doni helpon al defende batalanta Pollando kaj ne sciigis tion al la pola registaro, kio instigis hezitantan Stalin agresi kontraŭ Pollando la 17-an de septembro.

Pli frue Francio kaj Britio havis subskribitan kun Pollando Traktaton pri la reciproka helpo - kaj post 5 jaroj ... la urbon fine de la Dua Mondmilito liberigis la 3-an de septembro 1944 pola brigado de Stanisław Maczek (pola militisto, armea generalo de Pola Soldataro, komandanto de la 10-a Brigado de Kiras-Kavalerio kreita en Francio).

Vidindaĵoj

Abbeville estis vere pentrinda urbo ĝis la komenco de la Dua mondmilito, kiam ĝi estis bombardita kaj preskaŭ tute detruita de la Germanoj dum unu sola nokto. La urbo estas hodiaŭ plejparte modernaspekta, sed kelkaj vidindaĵoj restas, interalie :

• La preĝejo Sankta Vulfran, starigita dum la 15-a, 16-a kaj 17-a jarcentoj. La gotika fasado kaj la du samstilaj turoj estas precipe vidindaj.
• La belfrido, konstruita en 1209, estas unu el la plej malnovaj belfridoj de Francio. Ĝi estas nun parto de la francaj aŭ belgaj belfridoj agnoskitaj de Unesko.
• La kastelo Bagatelle, konstruita en 1752.
• La parko Emonville kaj la biblioteko.

Ĝemelurboj

• Burgess Hill (West Sussex)

Vidu ankaŭ

• Komunumoj de Somme
• Listo de urboj de Francio
• Abbeville-kulturo
• Abbeville (stacidomo)
• Graflando Ponthieu

Eksteraj ligiloj

• Oficiala TTT-ejo

Preĝejo Sankta Vulfran