Andrzej Frycz Modrzewski
Andrzej Piotr Modrzewski blazono Jastrzębiec, konata kiel Andrzej Frycz Modrzewski (naskiĝis la 20-an de septembro 1503 en Wolbórz (proksime al Piotrków Trybunalski), mortis en 1572 samloke) – pola kreinto kaj politika verkisto de renesanco, tiutempe konata eksterlande, reĝa sekretario, adepto de irenismo, studis en la Jagelona Universitato.
| Andrzej Frycz Modrzewski | ||
|---|---|---|
| king's secretary at the Polish court | ||
| ||
| Persona informo | ||
| Andrzej Frycz Modrzewski | ||
| Naskiĝo | 20-an de septembro 1503 en Wolbórz | |
| Morto | 1-an de januaro 1572 (68-jara) en Wolbórz | |
| Religio | katolika eklezio [#] | |
| Lingvoj | latina • pola [#] | |
| Ŝtataneco | Respubliko de Ambaŭ Nacioj [#] | |
| Alma mater | Jagelona Universitato [#] | |
| Familio | ||
| Dinastio | Q81103259 [#] | |
| Profesio | ||
| Okupo | filozofo • teologo • verkisto • politikisto • sciencisto • humanisto [#] | |
| Laborkampo | scienco • humanismo • teologio [#] | |
| [#] | Fonto: Vikidatumoj | |
VerkaroRedakti
La plej konata lia verko estas skribita latine: De Republica emendanda (Pri plibonigo de la Respubliko, 1551). La disertaĵo estis ankaŭ tradukita en la germanan lingvon kaj publikigita en Krakovo kaj Bazelo. La verko konsistas el kvin libroj:
- De moribus (Pri moroj)
- De legibus (Pri leĝoj)
- De bello (Pri milito)
- De Ecclesia (Pri Eklezio)
- De schola (Pri lernejo)
La libro dediĉita al la Eklezio estis de katolikaj instancoj rekonita kiel hereza, tial la verko de Frycz ektroviĝis en la Indekso de malpermesitaj libroj, kaj la unua eldono aperis sen du lastaj libroj.