Angèle
Angèle Van Laeken, alinomata Angèle, naskiĝinta la 3an de decembro 1995a en Uccle (Brusela Ĉefurba Regiono), estas belga aŭtoro-komponisto-interpretisto, muzikisto kaj muzik-produktisto.
| Angèle | |||||
|---|---|---|---|---|---|
| Naskonomo | Angèle Joséphine Aimée Van Laeken | ||||
| Alie nomata | Angèle | ||||
| Naskiĝo | 3-an de decembro 1995 en Uccle,  Belgio
| ||||
| Ĝenroj | Franclingva kanzono, pop-muziko | ||||
| Profesio | Aŭtoro-komponisto-interpretisto, muzikisto, muzik-produktisto | ||||
| Instrumentoj | Voĉo, piano | ||||
| Eldoninto | Angèle VL, Initial Artist Services, Universal France | ||||
| Retejo | angelevl | ||||
| |||||
| |||||
| Persona informo | |||||
| Naskonomo | Angèle Joséphine Aimée van Laeken | ||||
| Aliaj nomoj | Angèle | ||||
| Lingvoj | franca • angla • nederlanda | ||||
| Ŝtataneco | Belgio | ||||
| Familio | |||||
| Patro | Marka | ||||
| Patrino | Laurence Bibot | ||||
| Frat(in)o | Roméo Elvis | ||||
| Okupo | |||||
| Okupo | pianisto • voĉaktoro • kantaŭtoro • aktoro • DJ producer • modelo • diskografa artisto | ||||
| TTT | |||||
| Retejo | https://angelevl.be/ | ||||
Ŝia unua albumo, Brol, publikigita en oktobro 2018a kaj premiita kiel disko el diamanto, vendiĝis je pli ol 500 000 ekzempleroj, 11 monatojn post sia publikiĝo.
Biografio redakti
Angèle Van Laeken naskiĝis la 3an de decembro 1995 en Uccle en Belgujo. Ŝi estas la filino de la kantisto Marka kaj de la aktorino Laurence Bibot (fondintoj de la duopo pop-rok-elektro Monsieur et Madame / Sinjoro kaj Sinjorino), kaj la fratino de la rep-muzikisto Roméo Elvis.
Ŝi kreskis en Linkebeek, en la suda ĉirkaŭ-urbo de Bruselo. Ŝia patro frue kuraĝigis ŝin ke ŝi lernu pian-ludon, kio kondukis ŝin al muzika kariero.
Angèle frekventis katolikan institucion kun rigora edukado, en kiu ŝi sentis sin fremda, antaŭ ol aliri al la Lernejo Decroly, kun pedagogio inspirita de la nova edukado. La diversaj artaj opcioj de ĉi tiu duagrada lernejo ebligis al ŝi disvolviĝi kaj frekventi ĵaz-lernejon antaŭ ol partopreni la grupon de sia patro.
Muzika kariero redakti
Angèle unuajn fojojn koncertis en trinkejoj de Bruselo.
Ŝi famiĝis en 2016, interalie kantante titolon de Dick Annegarn : Bruxelles, sed ankaŭ tra mallongaj videaĵoj sur sia Instagram-konto en kiuj ŝi miksis kanton kaj humuron. Dum la jaro 2017a, ŝi kantis ĉe antaŭ-spektakloj de la franca-kubana duopo Ibeyi kaj de la belga rep-kantisto Damso, kiun ŝi krome akompanis en lia albumo Lithopédion.
Ŝia unua unukanzona disko, La Loi de Murphy, publikiĝis fine de 2017 kaj estis milionfoje vizitita ĉe YouTube. Dua unupeca disko, titolita Je veux tes yeux (Mi volas viajn okulojn), estis publikigita komence de 2018. Ambaŭ filmetoj estis verkitaj de la belga fotistino Charlotte Abramow.
En majo 2018a, ŝi unuafoje koncertis en Parizo en Trianon, akompanate de MC Solaar, per la titolo Victime de la mode (Viktimo de la modo), kaj sekve partoprenis grandajn somer-festivalojn en Belgujo, en Francujo kaj en Svisujo, ekzemple Les Ardentes, Dour, Garorock, Rock Werchter kaj precipe la festival des Vieilles Charrues (festivalo de la Malnovaj Plugiloj).
Angèle tiam produktis La Thune, sian trian unupecan diskon.
Ŝi sekve anoncis la publikigon de sia unua albumo Brol ĉe la marko Initial. Ĝiaj titoloj estis prezentataj en aŭgusto 2018a. La albumo estis publikigita la 5an de oktobro 2018a, samtempe kiel ŝia kvara unupeca disko, Tout oublier (Ĉion forgesi), duope kun ŝia frato, Roméo Elvis. Tiu ĉi albumo ricevis sukceson ekde la komenco, interalie ĉar Angèle aperis en diversaj francaj televidaj elsendoj, kiel Taratata la 27an de oktobro. En novembro 2018a, en intervjuo por la retejo de Télérama, ŝi asertis ke ŝi perceptas evidentan seks-diskriminacion en la muzikaj medioj, kaj konstatis ke iuj malfacile akceptas ke ŝi mem verkas, komponas kaj produktas siajn kanzonojn. La 5an de decembro 2018a, tiu albumo Brol estis proklamita disko el plateno, du monatojn post sia publikiĝo. Komence de septembro 2019a, ĝi estis proklamita disko el diamanto pro vendo de 500 000 albumoj.
La 14an de aprilo 2019a, Angèle malkovrigis la filmeton Balance ton quoi . Pro la dusenseco de la franclingva verbo « balancer » (ĉu denunci, ĉu alĵeti), estas malfacile traduki ĉi tiun titolon. Ĝi estas kaj aludo al la kampanjo « Balance ton porc » / « Denuncu vian porkon », kaj al la konsilinda memrega kaj ribelema reago de virino fronte al maskleca konduto : « Rebatu vian "kio ? "-n » kun la subdirita malestima signifo : « Kio ? » = « Kiu estas via problemo ? ».
La 15an de junio 2019a, ŝi partoprenis je La kanzono de la jaro elsendita sur TF1, dank’ al la sukceso de sia titolo Tout oublier (Ĉion forgesi). En aŭgusto 2019a, ŝi partoprenis la festivalon de la reĝo Arthur.
La 8an de septembro 2019a, ŝi diskonigis la filmeton de Flou (Malneta).
La 10an de oktobro 2019a, ŝi lanĉis novan kanzonon, Perdus (Perditaj). Ĝi aperas sur la reeldono de ŝia albumo Brol, titolita Brol, la suite (la sekvo).
La 8an de novembro 2019a, ŝi publikigis novan unupecan diskon, Oui ou non (Jes aŭ ne), kun humura filmeto pri la reklamado.
En 2020, Angèle kunlaboris kun la londona kantistino Dua Lipa por la komuna titolo Fever (Febro) eltirita de la reeldono de ties albumo, Future Nostalgia. Ambaŭ kantistinoj estis devigataj komponi tiun pecon distance pro la koronvirusa epidemio.
En oktobro 2021-a, Angèle produktis novan unupecan diskon titolitan Bruxelles je t'aime (Bruselon mi amas vin) kaj anoncis la eldonon de sia dua albumo titolita Nonante-Cinq (Naŭdek Kvin), kaj aĉetebla ekde la 3-a de decembro 2021-a. La saman tagon ekvideblis la videaĵo Démons (Demonoj) kunlabore farita kun la belga artisto Damso.
Fine de 2022, estis reeldonita Nonante-cinq kun kvino da novaj kanzonoj.
Kina kariero redakti
Ŝia kina kariero komenciĝis en la fako dublado. En 2019 ŝi prenis la franclingvan voĉon de la persono Gabby Gabby en Toy Story 4. Ŝi poste, sekve de la forpaso de Odile Schmitt en marto 2020-a, prenis la voĉon de Lola Bunny en la filmo Space Jam : Nouvelle Ère (Nova Erao) sur la ekranoj en julio 2021-a.
Kiel aktorino, ŝi estis elektita en 2021 de Leos Carax por ludi en la malfermo-filmo de la 74-a Festivalo de Cannes, unu el la ses akuzantinoj en la filmo Annette flanke de Marion Cotillard kaj Adam Driver. Ŝi poste ludis la rolon de Falbala en la venonta adapto de Astérix, Astérix kaj Obélix : L'Empire du Milieu, por ekmontro planita en 2023.
Pri televido, ŝi aperis en 2020 en la serio La Flamme (La Flamo) en la rolo de Anna, unu el la svatiĝantino de Marc (ludata de Jonathan Cohen).
La 26-an de novembro 2021-a, publikiĝis sur Netflix dokumento pri ŝia vivo, titolita Angèle.
Filantropio redakti
Tra sia muziko kaj siaj tekstoj, Angèle montras sin engaĝita kontraŭ la seksismo, notinde en sia kanzono Balance ton quoi, pri kiu ŝi faris video-filmeton kunlabore kun Charlotte Abramow kaj Ophélie Secq, kun la partopreno de Pierre Niney, Antoine Gouy kaj de Nikita Bellucci.
En majo 2019a, ŝi anoncis sian kunlaboron kun la fondaĵo KickCancer (asocio kiu aktivas kontraŭ la kancero ĉe infanoj kaj rikoltas monon okaze de alvokoj al projektoj aŭ okaze de mon-kolektaj kuradoj tiaj kiaj Run to Kick). Ŝi fariĝis ties ĉef-subtenanto por la jaro 2019 kaj partoprenis la kuradon la 29an de septembro 2019a.
Aliaj agadoj redakti
Angèle donis sian voĉon al Gabby Gabby en la franclingva versio de la filmo Toy Story 4 publikigita en junio 2019a.
Okaze de la Festivalo de Cannes 2019, Angèle kantis « Sans toi » (Sen vi) omaĝe al la filmisto Agnès Varda kaj al la komponisto Michel Legrand.
Diskoj redakti
Albumo el studio redakti
- 2018 : Brol
- 2019 : Brol, la sekvo (reeldono)
- 2021 : Nonante-Cinq
- 2022 : Nonante-Cinq, la sekvo (reeldono)
Unupecaj diskoj redakti
| Titolo | Jaro | Vendoj | Mencioj | Albumo |
|---|---|---|---|---|
| La loi de Murphy | 2017 | Belgujo : 20 000 ekzempleroj
Francujo : 30 000 000 elŝut-ekvivalente |
Belgujo : Plateno
Francujo : Plateno |
Brol |
| Je veux tes yeux | 2018 | Belgujo : 10 000 ekzempleroj
Francujo : 15 000 000 elŝut-ekvivalente |
Belgujo : Oro
Francujo : Oro | |
| La thune | Belgujo : 20 000 ekzempleroj
Francujo : 30 000 000 elŝut-ekvivalente |
Belgujo : Plateno
Francujo : Plateno | ||
| Jalousie | Belgujo : 10 000 ekzempleroj
Francujo : 30 000 000 elŝut-ekvivalente |
Belgujo : Oro
Francujo : Plateno | ||
| Tout oublier
(kun Roméo Elvis) |
Belgujo : 60 000 ekzempleroj
Francujo : 50 000 000 elŝut-ekvivalente |
Belgujo : 3xPlateno
Francujo : Diamanto | ||
| Balance ton quoi | 2019 | Belgujo : 40 000 ekzempleroj
Francujo : 50 000 000 elŝut-ekvivalente |
Belgujo : 2xPlateno
Francujo : Diamanto | |
| Flou | Belgujo : 20 000 ekzempleroj
Francujo : 30 000 000 elŝut-ekvivalente |
Belgujo : Plateno
Francujo : Plateno | ||
| Perdus | Francujo : Oro | |||
| Oui ou non | Belgujo : 10 000 ekzempleroj
Francujo : 15 000 000 elŝut-ekvivalente |
Belgujo : Oro
Francujo : Oro |
Aliaj klasitaj kanzonoj redakti
| Titolo | Jaro | Vendoj | Mencioj | Albumo |
|---|---|---|---|---|
| Ta reine | 2018 | Francujo : 30 000 000 elŝut-ekvivalente | Francujo : Plateno | Brol |
| Nombreux | Francujo : 15 000 000 elŝut-ekvivalente | Francujo : Oro | ||
| Les matins | Francujo : 15 000 000 elŝut-ekvivalente | Francujo : Oro | ||
| Victime des réseaux | Francujo : 15 000 000 elŝut-ekvivalente | Francujo : Oro | ||
| Flemme | Francujo : 15 000 000 elŝut-ekvivalente | Francujo : Oro |
Partoprenoj redakti
- 2017 : Roméo Elvis kun Angèle - J'ai vu
- 2017 : Caballero kaj JeanJass kun Angèle - Ma story
- 2018 : Damso kun Angèle - Silence (Ora disko)
- 2019 : Philippe Katerine kun Angèle kaj Chilly Gonzales - Duo
- 2021 : Dua Lipa kun Angèle - Fever
Turneo redakti
Filmoj redakti
- 2019 : Toy Story 4 de Josh Cooley : Gabby Gabby (franclingva voĉo)
- 2020 : Annette de Leos Carax
- 2023 : Astérix et Obélix : L'empire du milieu de Guillaume Canet en la rolo de Falbala
Distingoj redakti
| Jaro | Verko | Rekompenco | Rezulto |
|---|---|---|---|
| 2019 | Brol | Albumo malkovro de la jaro | Laŭreato |
| Tout oublier | Aŭdvideo-kreado | Laŭreato | |
| 2020 | Angèle | Artistino | Mencio |
| Koncerto | Laŭreato | ||
| Balance ton quoi | Aŭdvideo-kreado | Mencio | |
| 2023 | Angèle | Artistino de la jaro | Laŭreato |
| Nonante-cinq | Plej elŝutita albumo | Laŭreato |
| Jaro | Verko | Rekompenco | Rezulto |
|---|---|---|---|
| 2018 | Brol | Albumo de la jaro | Laŭreato |
| Angèle | Individua artistino | Laŭreato | |
| Franclingva kanzono | Laŭreato | ||
| Koncerto | Mencio | ||
| Muziskisto | Mencio | ||
| Aŭtoro / komponisto | Mencio | ||
| La thune | Videaĵo | Mencio | |
| La loi de Murphy | Sukceso de la jaro | Mencio |
| Jaro | Verko | Rekompenco | Rezulto |
|---|---|---|---|
| 2018 | Angèle | Artisto de la jaro | Laŭreato |
| Revolucia artisto | Laŭreato | ||
| Je veux tes yeux | Plej bona videaĵo | Mencio | |
| Plej bona kanzono | Laŭreato | ||
| La loi de Murphy | Mencio | ||
| 2019 | Angèle | Artisto de la jaro | Mencio |
| Plej bona spektaklo | Mencio | ||
| Balance ton quoi | Plej bona videaĵo | Laŭreato |
| Jaro | Verko / artisto | Rekompenco | Rezulto |
|---|---|---|---|
| 2019 | Angèle & Roméo Elvis | Franclingva grupo aŭ duopo de la jaro | Mencio |
| Angèle | Franclingva artistino de la jaro | Laŭreato | |
| Tout oublier – Angèle & Roméo Elvis | Franclingva kanzono de la jaro | Laŭreato | |
| Videaĵo de la jaro | Mencio | ||
| Balance ton quoi | Franclingva artaĵo de la vespero | Mencio |
| Jaro | Verko / artisto | Rekompenco | Rezulto |
|---|---|---|---|
| 2018 | Brol | Albumo | Mencio |
| Artaĵo | Laŭreato | ||
| Angèle | Aŭtoro / komponisto | Mencio | |
| Furoraĵo de la jaro | Laŭreato | ||
| Individua artistino | Laŭreato | ||
| Pop-kanzono | Mencio | ||
| La loi de Murphy | Videaĵo | Laŭreato | |
| 2019 | Tout oublier | Furoraĵo de la jaro | Mencio |
| Balance ton quoi | Videaĵo | Mencio | |
| Angèle | Individua artistino | Mencio | |
| Spektaklo | Mencio | ||
| Pop-kanzono | Mencio |
Olympia Awards (FR) redakti
| Jaro | Verko / artisto | Rekompenco | Rezulto |
|---|---|---|---|
| 2019 | Angèle | Artisto de la jaro | Laŭreato |
MTV Europe Music Awards redakti
| Jaro | Verko / artisto | Rekompenco | Rezulto |
|---|---|---|---|
| 2019 | Angèle | Plej valora belga aktorino | Mencio |
| 2020 | Angèle | Laŭreato |
Tradukoj en Esperanton redakti
Du tradukoj estas konataj en Esperanto, sed ne publikaj (tradukis Christian Rivière). Temas pri :
- Nombreux / Multnombraj
- Ta reine / Reĝino via