Artúr Erdélyi

Artúr Erdélyi [erdEji], laŭ hungarlingve kutima sinsekvo Erdélyi Artúr estis hungardevena-brita matematikisto, profesoro.

Artúr Erdélyi [1] naskiĝis la 2-an de oktobro 1908 en Budapeŝto. Li mortis la 12-an de decembro 1977 en Edinburgo.

BiografioRedakti

Artúr Erdélyi devenis el juda familio. Li frekventis mezlernejon en sia naskiĝurbo, poste li ne povis lerni plu en la universitato pro la kontraŭjuda leĝo, tial li plulernis en Brno kaj Prago. Li doktoriĝis el matematiko en 1938. Post la okupado fare de nazioj li rifuĝis al Skotlando, kie li denove doktoriĝis (DSc) en 1940, krome li instruis en Universitato de Edinburgo. Inter 1947 kaj 1964 li instruis en Kalifornio, poste li revenis al Edinburgo, kie li instruis plu ĝis sia morto en 1977. Li okupiĝis pri perpendikularaj polinomoj, supergeometriaj funkcioj, asimptota analitiko, partaj diferencialaj ekvacioj.

Elektitaj publikaĵojRedakti

  • Higher transcendental functions. Vols. I, II. (1953)
  • Lectures on Mikusiński's theory of operational calculus and generalized functions (1959)
  • Operational calculus and generalized functions (1962)

FontojRedakti