Beato de Liébana

Beato de Liébana (701?-798), kromnome Sankta Beato, estis mozaraba monaĥo de la Monaĥejo de Sankta Toribio de Liébana, en Liébana (nuna Kantabrio, Hispanio), ĉe la montaro Picos de Europa. Lia plej konata verko estas Komentarioj pri Apokalipso, finverkita en 768 kaj tre populara dum Alta Mezepoko. Krome, li verkis pri discienco, politiko kaj geografio.

En Eŭropo, la vorto beato iĝis samsignifa al mane skribitaj verkoj de la 10-a kaj 11-a jarcentoj kun imaĝoj, kiuj kopias la tekston de la verkoj Apokalipso de Sankta Johano kaj la Komentarioj pri Apokalipso.

En Kantabrio kaj Asturio oni respektas lin kiel sanktulon kaj nomtago estas la 19-a de februaro.

Vidu ankaŭRedakti