Bennwil
publikigita versio estis patrolita je 5 apr. 2023. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 5 apr. 2023.
| Bennwil | |
|---|---|
 | |
 | |
| komunumo en Svislando | |
| Kantono | Bazelo Kampara |
| Distrikto | Waldenburg |
| Koordinatoj | 47° 24′ 0″ N 7° 47′ 0″ O / 47.40000 °N, 7.78333 °O (mapo)Koordinatoj: 47° 24′ 0″ N 7° 47′ 0″ O / 47.40000 °N, 7.78333 °O (mapo) |
| Nombro de loĝantoj | 613 |
| Areo | 6,51 km² |
| Alteco | 515 m super marnivelo |
| Poŝtkodo | 4431 |
| Komunumkodo | 2882 |
 | |
Pri la komunumo redakti
Bennwil (en la alemana lingvo: Bämbel) estas komunumo en la distrikto Waldenburg en Kantono Bazelo Kampara, Svislando. Ĝi havis 613 loĝantojn je la 31-a de decembro 2008.
Geografio redakti
Bennwil situas en la valkaldrono de la rivereto Bennwilerbach, kiu ankaŭ nomiĝas Wallibach alteco de 515 m s.m. inter la valoj de Waldenburg kaj de Diegten.
Najbaraj komunumoj redakti
La komunumo Bennwil limas en nordo al Hölstein, en nordoriento al Diegten, en sudoriento al Eptingen, en sudo al Langenbruck, en sudokcidento al Oberdorf, kaj en nordokcidento al Niederdorf.
Trafiko redakti
Bennwil situas flanke de la trafikvojoj. Al la reto de la publika trafiko la komunumo estas konektita nur dum la semajntagoj lunde ĝis vendrede per la buslinio 92.
Historio redakti
La unua dokumenta mencio de Bennwil datiĝas el la jaro 1218 kiel Bendewilere. (Dokumento kun dato de la jaro 1189 estas falsigo).
En Bennwil estis trovitaj restaĵoj el la malfrua ferepoko, romia vilao kaj alemana tombejo. En mezepoko la vilaĝo apartenis al la nobela familio Frohburger, dum la Monaĥejo Schöntal posedis la interezrajtojn de la preĝejo. En la jaro 1400 la urbo Bazelo akiris la vilaĝon kune kun la Baronejo Waldenburg. Post la reformacio en la jaro 1529 la granda konsilio de Bazelo akiris ankaŭ la ekleziajn rajtojn. En la jaro 1617 inscendio detruis la preĝejon, kies fundamentoj datiĝas el la 8-a jarcento. En la jaro 1649 estis finkonstruita la nuna preĝejo, kiu pro sia predikejo el la renesanco estas protektita memoraĵo. Post la Bazela Kantondisiĝo de 1832, la vilaĝo en la jaro 1833 estis integrita kiel parto de la distrikto Waldenburg al la nova Kantono Bazelo Kampara.
Vidindaĵoj redakti
En la vilaĝo vidindas la preĝejo, kiu estas nove konstruita en la jaro 1670, la vilaĝa muzeo kaj la multnombraj malnovaj kamparanaj domoj.
Personecoj redakti
La famkonata germanlingva svisa verkisto Carl Spitteler estas civitano de la komunumo Bennwil.
Eksteraj ligiloj redakti
Bildoj redakti
-
Reformita preĝejo -
Vilaĝa muezo -
Restoracio Ochsen -
Lernejo -
Vilaĝa vendejo -
Rojo Bennwilerbach -
Vilaĝa strato
