Charlottenburg

Tiu ĉi artikolo temas pri urboparto de Berlino. Charlottenburg estas ankaŭ la germana nomo de la rumana vilaĝo Charlotenburg.

Charlottenburg estas urboparto de Berlino. Ĝi apartenas al la distrikto Charlottenburg-Wilmersdorf de Berlino.

Charlottenburg
locality of Berlin (en) vd
Blazono
Administrado
Poŝtkodoj 10585 • 10587 • 10589 • 10623 • 10625 • 10627 • 10629 • 14052 • 14055 • 14057 • 14059 vd
Demografio
Loĝantaro	124 555  (2015) [+]
Loĝdenso	11 750 loĝ./km²
Geografio
Geografia situo	52° 31′ N, 13° 18′ O (mapo)52.51666666666713.3 [+]
Alto	46 m [+]
Areo	10,6 km² (1 060 ha) [+]
Charlottenburg (Berlino) DEC Situo de Charlottenburg
Alia projekto
Vikimedia Komunejo Berlin-Charlottenburg [+]

Historio

Pli detalaj informoj troveblas en artikolo Palaco Charlottenburg.

Charlottenburg en la distrikto Charlottenburg-Wilmersdorf

Komence sur la placo de nuna Charlottenburg situis vilaĝoj Lietzow, Casow kaj Glienicke, konataj de la 13-a jarcento. Tamen solida evoluo de ĉi tiu teritorio komenciĝis post kiam en 1695 ĝi iĝis propraĵo de Sofia Ŝarlota de Hanovro, kiu ricevis ĝin de ŝia edzo, estonta reĝo Frederiko la 1-a, interŝanĝe kontraŭ ŝiaj proprietaĵoj apud Potsdamo. Ŝarlota konstruis tie ĉi sian someran sidejon (finita en 1699). Post la morto de Ŝarlota la palaco kaj ĉirkaŭa vilaĝo ricevis nomon Charlottenburg. En la jaro 1720 tiu ĉi vilaĝo kuniĝis oficiale kun Lietzow, kiu absorbis antaŭlonge al tiu tempo du aliajn vilaĝojn. Plue la urbo evoluis danke al servado de la palaco, kiu estis la ŝatata sidejo de Frederiko Vilhelmo la 2-a kaj Frederiko Vilhelmo la 3-a, samkiel danke al transformo en la ŝatatan placon de ripozo de berlinanoj. En 1920 Charlottenburg estis inkluzivigita en la konsiston de Granda Berlino.

Post la revolucio de 1917 en Rusio multaj rusaj elmigrantoj ekloĝis en Charlottenburg. Ili nomis la urboparton Charlottengrad (el rusa «grad» — urbo). Poste, precipe en fino de la 1920-aj jaroj, grava parto de elmigrantoj lasis Germanion, migrinte en Francion aŭ aliajn landojn.

Famaj konstruaĵoj kaj homoj

Nuntempe oni povas rigardi en la distrikto la palacon Charlottenburg, la muzeon de secesia arto de Berggruen, skulptan produktejon. Ĝis la jaro 2005 tie ĉi estis eksponita parto de la kolekto de Egipta muzeo.

Tie ĉi loĝis Tatjana Nikolaevna Gzovskaja, rusa kaj germana baletistino, baletestro kaj pedagogo, ĝis ŝia morto en 1993. Naskiĝis en Charlottenburg ekz. Carl Friedrich von Siemens, Hoimar von Ditfurth. Mortis en Charlottenburg inĝeniero Frigyes Dolezalek, kaj publikiĝis tie interalie la literatura revuo Die Weltbühne. Naskiĝis tie la pentristo Albert Birkle kaj la epigrafikisto Christian Hülsen.

• 
  La konstruaĵo de Kazerno, konstruita de Stüler, kie nun situas la muzeo de Berggruen
• 
  La skulpta produktejo (1)
• 
  La skulpta produktejo (2)

Partneraj urboj

La historia urboparto Charlottenburg havas la jenajn partnerecojn, kiuj ekde 2001 pluflegiĝas kadre de la nova urbodistrikto Charlottenburg-Wilmersdorf de Berlino.

Internacie

• Or Jehuda (Israelo), ekde 1966 kun la urboparto Charlottenburg
• Trento (Italio), ekde la 11-a de majo 1966 kun la urboparto Charlottenburg
• Londono-Lewisham (Britio), ekde la 19-a de marto 1968 kun la urboparto Charlottenburg
• kvina urbodistrikto de Budapeŝto (Hungario), ekde la 9-a de junio 1998 kun la urboparto Charlottenburg
• Linz (Aŭstrio), ekde la 9-a de junio 1998 kun la urboparto Charlottenburg

Nacie

• Mannheim, ekde la 28-a de majo 1962 kun la urboparto Charlottenburg
• Bad Iburg, ekde la 10-a de novembro 1980 kun la urboparto Charlottenburg
• distrikto Waldeck-Frankenberg, ekde la 26-a de novembro 1988 kun la urboparto Charlottenburg
• distrikto Marburg-Biedenkopf, ekde la 18-a de aprilo 1991 kun la urboparto Charlottenburg

Esperanto-movado

Rudolf Sprotte tie publikigis verketon «Simpla stenografia sistemo» en 1908.