Distrikto Biłgoraj

Distrikto Biłgoraj - pole powiat biłgorajski - estas distrikto en la provinco (historie vojevodio) Lublinio de Pollando. Distrikta centro estas la urbo Biłgoraj. Fine de 2019 en la distrikto vivis 100 919 loĝantoj sur areo de 1 677,79 kvadrataj kilometroj, kio rezultigas loĝdenson de 60 loĝantoj/km². La teritorio havas komunan limon kun distrikto Janów, Distrikto Lublin, distrikto Krasnostaw, Distrikto Zamość, Distrikto Tomaszów, Distrikto Lubaczów, Distrikto Przeworsk, Distrikto Leżajsk kaj Distrikto Nisko.

Distrikto Biłgoraj
Pola nomo	powiat biłgorajski
Distrikto
Provinco	Lublinio
Ĉefurbo	Biłgoraj
Kvanto de komunumoj:
urbaj	1
urbo-kampaj	3
kampaj	10
Urbeco	32,79
Areo	1677,79 km2
Loĝantaro	100 919 (en 2019)
Loĝdenso	62,28/km2
Aŭtokodo	LBL
TERYT	3.06.08.02.00.0
Estro	Andrzej Szarlip
Adreso de estraro	ul. T. Kościuszki 87
Poŝtkodo de estraro	23-400
Telefono de estraro	84 686-36-36
Fakso de estraro	84 686-06-67
Retpaĝaro de distrikto	http://www.bilgorajski.pl/

Membraj komunumoj

La membraj komunumoj de la distrikto krom la centra urbo Biłgoraj estas Potok Górny, Obsza, Turobin, Aleksandrów, Tereszpol, Goraj, Józefów, Biszcza, Frampol, Księżpol, Łukowa, Tarnogród kaj aldone kampara komunumo Biłgoraj..

Dua Mondmilito

Laŭ la pakto Ribbentrop-Molotov la regiono de Biłgoraj kun la pola teritorio oriente de riveroj Vistulo kaj San devus aparteni al Sovetunio. Efektive, la 28-an de novembro 1939 la urbon kun ĉirkaŭaĵoj okupis Ruĝa Armeo, tamen pro ŝanĝo de decidoj inter la okupantoj ĝi forlasis ĝin post malpli ol du semajnoj.

Meze de oktobro 1942 Germana polico parte bruligis Potok Górny kaj murdis 10 personojn. Fine de novembro, kadre de Generalplan Ost, el la regiono de Zamość la okupantoj komencis amasan deportadon de poloj el tiu ĉi kaj tri pliaj distriktoj. Fine de decembro 1942 la okupa polico pafmortigis en Majdan Nowy 7 personojn kaj en novembro 1943 en Dąbrówka 9 personojn.

Eksteraj ligiloj

• Oficiala retejo (pole)

Biłgoraj