Erih Koŝ

Erih KOŜ (serbe Ерих Кош; naskiĝis la 15-an de aprilo 1913 en Sarajevo; mortis la 25-an de majo 2010 en Beogrado) estis serba verkisto el Bosnio.

Erih Koŝ
Persona informo
Naskiĝo	15-an de aprilo 1913 (1913-04-15) en Sarajevo
Morto	25-an de majo 2010 (2010-05-25) (97-jaraĝa) en Beogrado
Lingvoj	germana • serba vd
Ŝtataneco	Serbio vd
Alma mater	Jura Fakultato de la Beograda Universitato vd
Profesio
Okupo	lingvisto • verkisto • tradukisto • aŭtobiografo • poeto-juristo • literaturkritikisto • sciencfikcia verkisto vd
Aktiva dum	1947– vd
Honorigoj Honorigoj NIN Prize vd
Membrecoj Membrecoj Serba Akademio de Sciencoj kaj Artoj vd
vd	Fonto: Vikidatumoj

Li studis juron en Beogrado kaj ekde 1935 laboris kiel juristo. En 1938 li estis kondamnita kiel komunisto. Ekde 1941 li batalis kiel rezistanto. Post la dua mondmilito li havis diversajn funkciojn en la jugoslavia kulturpolitiko. Koŝ estis membro de la Serba akademio. Dumtempe li vivis en Montenegro.

Koŝ verkis ĉefe romanojn kaj novelojn pri problemoj de rezisto kaj de jugoslavia socio. Li mallaŭdis ĉefe burĝan sintenon. Krome li verkis spritajn eseojn kaj tradukis verkojn de Goethe kaj Chamisso el la germana.

En Esperanto aperis

• La fidelulo Alija Ĝevenica, en: Antologio de la moderna bosnia-hercegovina novelo, Sarajevo 1989, paĝoj 69–77. Tradukis Branka Miljko kaj Mustafa Tandir.