Hinwil

Por samtitolaj artikoloj vidu la paĝojn Hinwil (distrikto) kaj Hinwil (stacidomo).

Hinwil
Blazono de Hinwil
Vilaĝa preĝejo de Hinwil
komunumo en Svislando • urbo en Svislando
Ĝemelurboj Jablonné nad Orlicí vd
Kantono	Zuriko
Distrikto	Hinwil
Koordinatoj	47° 18′ 13″ N 8° 50′ 41″ O (mapo)
Nombro de loĝantoj	10110
Areo	22,31 km²
Alteco	565 m super marnivelo
Poŝtkodo	8340
Komunumkodo	0117
Mapo de Hinwil

Pri la komunumo

Hinwil estas la ĉefokumunmo de la samnoma distrikto en la Kantono Zuriko, Svislando. Kun 9774 loĝantoj fine de 2006 ĝi estis ĵus sub la statistika grandeco de urbo. Ĝis la 31-a de decembro 2009 la loĝantaro kreskis al 10110 personoj, pro kiu la loko povas esti konsiderata statistike kiel urbo.

Geografio

Hinwil situas en la monteta regiono de la Zurika Oberlando je la piedo de la monto Bachtel proksimume 30 kilometrojn de la urbo Zuriko. Hinwil konsistas el la vilaĝoj kaj setlejoj Hinwil, Ringwil, Wernetshausen, Hadlikon, Bossikon, Erlosen kaj Girenbad.

Najbara komunumo

La komunumo Hinwil limas en nordoriento al Bäretswil, en oriento al Fischenthal, en sudoriento al Wald, en sudo al Dürnten, en sudokcidento al Bubikon, en okcidento al Gosaŭo, kaj en nordokcidento al Wetzikon.

Trafiko

Ek de 1876 Hinwil estas konektita per la trajnlinio Wetzikon-Hinwil al la svisa fervojreto. La 1-a de juni 1901 estis malfermita la Uerikon - Bauma fervojo, kiu kondukis tra Hinwil. Tiu linio estis fermita en 1969 post akiro far la Svisaj Federaciaj Fervojoj. Memore nuntempe en somero ekzistas turismaj vaportrajnoj, kiuj veturas sur la ankoraŭ ekzistanta resto de tiu linio. Hodiaŭ Hinwil estas konektita al la zurika region-trajreto de la Zurika Trafik-Unio. Per la 0berland-aŭtoŝoseo la loko ankaŭ strate estas bone atingebla.

Historio

La unua domkumenta mencio de la komunumo datiĝas de la jaro 745 sur donacletero de iu "Landbert" favore al la Monaĥejo Sankt-Galo sub la nomo "Hunichinwilare". Supozeble en tiu tempo tie troviĝis alemana vilaĝeto. Okaze de renoviglaboroj de la reformita preĝejo oni malkovris en la interno de la preĝejo murrestaĵojn de la romia epoko. Dum mezepoko Hinwil apartenis al la kamparvoktejo Grüningen kaj dividis ties sorton. Per la reformacio en la jaro 1525 la regado pri Hinwil falis al la urbo Zuriko. En la jaro 1532 la rajtoj revenis al la johanitoj, kiuj tamen devigis sin nomumi zurikan vokton kiel prefekto. Dum la epoko de la reformacio Hinwil estis centro de la ribelo de la anabaptistoj.

Vidu ankaŭ

• Distrikto Hinwil
• Hinwil (stacidomo)

Eksteraj ligiloj

• Oficiala retejo de la komunumo Hinwil
• Hinwil en la Historia Leksikono de Svislando  (germane, france, itale)