Henriko de Upsalo

Por aliaj signifoj, bv. rigardi la apartigilan paĝon: Sankta Henriko

Henriko (finne Henrik; svede Henrik; latine Henricus; mortis ĉirkaŭ 20a de Januaro 1156) estis mezepoka angla pastro. Li venis al Svedio kun la kardinalo Nicholas Breakspeare en 1153 kaj eble estis nomumita kiel nova Ĉefepiskopo de Upsalo, sed la sendependa eklezia provinco de Svedio eble estis establitan nur en 1164 post la enlanda milito, kaj Henriko eble estis sendita organizi eklezion en Finnlando, kie jam estis kristanoj ekde antaŭ du jarcentoj.

Sankta
Henriko de Upsalo
unua episkopo de Finnlando
Ceteraj titoloj	(eble) episkopo de Upsalo
Persona informo
Naskiĝo	nekonata dato en Reĝlando Anglio
Morto	ĉ. 1156 en Köyliö
Mortis per	Senkapigo vd
Mortigita de	Lalli vd
Religio	katolika eklezio vd
Ŝtataneco	Finnlando vd
Profesio
Okupo	katolika episkopo (1153–) katolika sacerdoto kanoniko vd
Postenoj Postenoj Roman Catholic Bishop of Uppsala (en) (1152–1157) Roman Catholic Bishop of Åbo (en) vd
Sanktulo, martiro
Kanonizo	1158
Festotago	19-a de januaro
Atributoj	en episkopa vesto; paŝanta sur sian murdinton Lalli
Patroneco	Finnlando
vd	Fonto: Vikidatumoj

Laŭ la legendo, li venis al Finnlando kun la reĝo Eriko la 9-a de Svedio kaj mortis kiel martiro, iĝante ŝlosila figuro en la loka Katolika Eklezio. Tamen, la aŭtenteco de la rakonto pri lia vivo kaj religiestreco estas amplekse disputita kaj estas historiaj registroj nek de lia naskiĝo, nek de lia ekzistado aŭ morto. Ĉiuj informoj pri li estas historie malcertaj. La plej frua fonto estas hagiografio verkita cent jarojn poste.

Kun sia supozita murdisto, kamparano Lalli, Henriko estas grava figuro en la frua historio de Finnlando. Lia festo estas celebrata de la majoritata Luterana Eklezio de Finnlando, same kiel de la Katolika Eklezio de Finnlando. Li estas memorata en la Liturgiaj kalendaroj de kelkaj protestantaj kaj anglikanaj eklezioj.