Evangelia-Luterana Eklezio de Finnlando

La Evangelia-Luterana Eklezio de Finnlando (finne Suomen evankelis-luterilainen kirkko, svede Evangelisk-lutherska kyrkan i Finland) estas, apud la Ortodoksa Eklezio de Finnlando, unu el la du popolaj eklezioj de Finnlando. En ĝi membras 76,4 % de la landaj loĝantoj.

Evangelia-Luterana Eklezio de Finnlando
nacia eklezio ŝtata eklezio konfesio
Komenco	1809 vd
Lando(j)	Finnlando vd
Fondinto(j)	Aleksandro la 1-a vd
Partoj Archdiocese of Turku (en) , Luterana Diocezo de Helsinko, Diocese of Espoo (en) , Diocese of Tampere (en) , Diocese of Borgå (en) , Diocese of Mikkeli (en) , Diocese of Kuopio (en) , Diocese of Lapua (en) , Diocese of Oulu (en) kaj Church Research Institute, Finland (en) vd
Retejo	Oficiala retejo

Evangelia-Luterana Eklezio de Finnlando
La katedralo de Turku, la plej aĝa preĝejo de Finnlando, sidejo de la ĉefepiskopo kaj spirita centro de la eklezio
Orientiĝo	Luteranismo
Estro	ĉefepiskopo de Turku/Åbo
Geografiaj lokoj	Finnlando
Origino	1809
Apartigita de	Eklezio de Svedio
Nombro de membroj	4 milionoj (en 2012)
Oficiala retpaĝaro	http://www.evl.fi

Historio

La eklezio konsideris sian komencon, la alvenon de Kristanismo en Finnlando, en la jaro 1155. Finnlando tiam ankoraŭ ne estis memstara, sed parto de Svedio. En 1527, la tuta Svedio, inkluzive de Finnlando, forlasis romkatolikismon kaj akceptis luteranismon, en la formo de memstara Eklezio de Svedio. Plejparton de nuna Finnlando kovris la episkopujo de Åbo, finne Turku, de la sveda eklezio.

En 1809, Finnlando transiris de Svedio al aparta grandprinclando ene de Rusio. La finnlanda parto de la sveda eklezio fariĝis memstara Evangelia-Luterana Eklezio de Finnlando. En 1817 la episkop(uj)o de Åbo/Turku estis rangaltigita al ĉefepiskop(uj)o. La finnlanda teritorio estis dividita en plurajn subordigitajn episkopujojn.

Oficialaj lingvoj de la eklezio estas la sveda kaj la finna.

Episkopujoj

• ĉefepiskopujo Turku/Åbo. Vidu ankaŭ: Kategorio:Episkopoj de Turku

Episkopujoj:

• Tampere/Tammerfors
• Oulu
• Mikkeli
• Borgå/Porvoo, enhavas la svedlingvajn paroĥojn
• Kuopio
• Lapua
• Helsinko/Helsinki/Helsingfors. Oni ne konfuzu la luteranan episkopujon de Helsinko kun la romkatolika episkopujo de Helsinko (kiu cetere kovras la tutan Finnlandon)
• Espoo

Vidu ankaŭ

• Kategorio:Episkopoj de Turku
• Katedralo de Turku
• Katedralo de Helsinko

Eksteraj ligiloj

• Retpaĝo de la Evangelia-Luterana Eklezio de Finnlando Arkivigite je 2016-05-05 per la retarkivo Wayback Machine angle