Irún (stacidomo)

Irún estas fervoja stacidomo situanta en la hispana municipo Iruno en Provinco Gipusko, Eŭska Aŭtonoma Komunumo. Ĝi estas landlima stacidomo, kiu havas sian francan ekvivalenton en Hendaye. Tiucele, ĝi disponas pri trakoj kun ibera ŝpuro kaj normala ŝpuro kio ebligas la veturadon de ambaŭ trajnoj de Renfe kaj SNCF.

Irún
Originala nomo	hispane Estación de Irún france Gare d'Irun eŭske Irungo geltokia
Stacidomo Irún
fervoja stacidomo • plur-ŝpura stacio • landlima stacio
Situo
Lando	Hispanio
Loko	Iruno
Geografia situo	43° 20′ 22″ N, 1° 48′ 4″ U (mapo)43.339476-1.80124
Geografia lokigo sur la mapo : Gipusko Irún (Gipusko) DEC Irún Geografia lokigo sur la mapo : Eŭska Aŭtonoma Komunumo Irún (Eŭska Aŭtonoma Komunumo) DEC Irún Geografia lokigo sur la mapo : Hispanio Irún (Hispanio) DEC Irún
Ecoj
Kajoj	6
Historio
Malfermo	1863
Administrado kaj utiligado
Proprietulo	Adif
Trafikanto	Renfe, SNCF
Kodo	11600
Linioj	TGV Alvia Intercity Trenhotel Intercités MD TER Nova Akvitanio CC1 Ŝarĝotrajno

En 2010 ĝia trafiko estis ĉirkaŭ 210 000 pasaĝeroj (ne enkalkulante trafikon de proksimaĵoj).

La fervoja komplekso estas kompletigata de grava ranĝadstacio nomata Irún Mercancías.

Fervoja situacio

Stacidomo Irún formas paron kun stacidomo Hendaye, situanta en distanco de ĉirkaŭ du kilometroj kaj apartigita de rivero Bidasoa. La reto de ibera ŝpuro (1 668 mm) alvenas al Irun kaj finiĝas en Hendaye, dum la reto de internacia ŝpuro (1 435 mm) alvenas al Hendaye kaj finiĝas en Irun. La sekcio inter ambaŭ stacioj havas trakojn de ambaŭ ŝpuroj.

Laŭ la franca reto, la stacidomo situas en PK (kilometra punkto) 235,063 de la linio Bordeaux-Irun. Laŭ la hispana reto, ĝi formas parton de la radia fervojlinio Madrido-Hendaye (PK 639,4) inaŭgurita en 1864. Ĝi ankaŭ formis parton de la fervojlinio Irún-Elizondo fermita en 1956.

SNCF kaj Renfe Operadora havas interkonsenton, laŭ kiu la trajnoj de ĉiu kompanio transiras la landlimon ĝis la sekva stacidomo por forlasi vojaĝantojn, sed ne por repreni ilin. Tiel, trajnoj direkte al Francio komencas kaj finas la itineron en Hendaye, kaj la trajnoj direkte al Hispanio komencas kaj finas la itineron en Irun. Trajnoj, kiuj transiras la landlimon por lasi vojaĝantojn revenas malplenaj al la aliflanka stacidomo. Regionaj trajnoj ne transpaŝas la landlimon, do ne estas ebleco de interligo inter regionaj trajnoj de ambaŭ retoj.

Interkonektoj

• Euskotren: linio E2

Bildgalerio

• 
  Trajnoj de Renfe
• 
  Trajno de proksimaĵoj
• 
  Trajnoj de SNCF

Vidu ankaŭ

• Iruno
• Ventas de Irún (stacidomo)
• Proksimaĵoj Donostio

Eksteraj ligiloj

• Irún en la oficiala retejo de Adif (plurlingva)