Jaan Ojalo
Jaan OJALO (naskiĝis la 18-an de februaro 1914, mortis la 2-an de februaro 2004) estis fama esperantisto en Estonio, kaj honora membro de UEA.
| Jaan Ojalo | |
|---|---|
| |
| Persona informo | |
| Naskiĝo | 18-an de februaro 1914 en Rebaste |
| Morto | 2-an de februaro 2004 (89-jaraĝa) |
| Tombo | Viljandi Forest Cemetery (en)  
|
| Lingvoj | Esperanto |
| Ŝtataneco | Estonio Sovetunio
|
| Alma mater | Universitato de Tartu
|
| Okupo | |
| Okupo | esperantisto (1929–) ekonomikisto
|
Preskaŭ dum sia tuta vivo li laboris en la konsum-kooperativa sistemo, escepte de la jaroj 1941–1945, kiam li militservis.
Li esperantiĝis en 1929. En la 1950-aj jaroj li aktive kontribuis al la renaskiĝo de Esperanto en Estonio kaj en Soveta Unio. En 1956 li fariĝis klubestro de Tallinna Esperanto Klubi kaj ekde 1988 sekretario de Esperanto-Asocio de Estonio (EAE), inter 1992 kaj 1995 prezidanto de EAE, poste honora prezidanto de EAE. Li elektiĝis Honora Membro de UEA en 1991.
Jaan Ojalo verkis Esperantajn Sinonimojn, lernolibron en tri malsamaj eldonoj, du helpmaterialojn por lernantoj kaj du vortarojn. Dum lia vortaro estona-esperanta de 1999 kun ĉirkaŭ 10.000 kapvortoj ankoraŭ estas gvida, lia vortaro Esperanto-estona intertempe estas superigita de tiu de Raimund Haabvere de 2004.
Libroforme aperis lia traduko de Noktaj Aviadistoj (Vladimir Beekman); li kunlaboris traduke ankaŭ en Lumo de Orienta Eŭropo (Vladimir Beekman) kaj en Ventolume (Debora Vaarandi). Lia traduko de Maria en Siberio de H. Kiik restis manuskripta.
En 1961 (1962) en Tallinn aperis samizdata versaro de Hendrik Adamson, titolata Hejmlando, por kiu J. Ojalo verkis enkondukon "Hendrik Adamson".
Verkoj (elekto)
redakti- 1973: Esperanto keele õpik (lernlibro de la Esperanto-lingvo) en tri eldonoj, en 1973, 1986 kaj 1995 kun vortaro Esperanto-estona p. 133-166. 2a eld. de la vortaro 1986, 183 p. 21x14 cm
- Esperantaj Sinonimoj
- 1987 tradukis postparolon al En Fremda Urbo
- 1999: Eesti-esperanto sõnaraamat ("estona-esperanta vortaro"), ĉirkaŭ 10.000 kapvortoj. Tallinn: EAE, 1999, 313 p. 21 cm bind. ISBN 9985913027
Literaturo
redakti- Sidorov, Anatolo. (2022) Esperantistoj de Sovetunio, kiuj batalis kontraŭ nazioj en la 2-a mondmilito (pdf), Redaktis kaj aranĝis Nikolao Gudskov, provlegis Svetlana Smetanina (esperante), Moskvo–Sankt-Peterburgo: Rusia Esperantista Unio, p. 49. “Sidorov, 2022”.
Eksteraj ligiloj
redakti- J. Ojalo "Esperanto keele õpik" de 1973
- J. Ojalo "Esperanto keele õpik" de 1986
- Libroj[rompita ligilo] de kaj pri Jaan Ojalo en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
- eseo "Kuidas sündis esperanto?" ("Kiel ekestis Esperanto?") en kolektaĵo de legaĵoj MIKSIKEse por 1-aj ĝis 9-aj lernejaj klasoj (la teksto pri Esperanto estas por la 5-a klaso) Arkivigite je 2016-03-04 per la retarkivo Wayback Machine