John Caius

Postenoj
Postenoj	Master of Gonville and Caius College, Cambridge vd

John Kaye
(1510-1573)
John Kaye; (1510-1573)
	medicus Anglicus
Persona informo
Naskiĝo	6-a de oktobro1510; en Norwich, Anglio
Morto	29-a de julio 1573; en Londono, Anglio
Lingvoj	latina vd
Ŝtataneco	Reĝlando Anglio vd
Alma mater	Gonville kaj Caius College, Kembriĝo, Universitato de Padovo
Profesio
Okupo	kuracisto • fizikisto vd
Postenoj
Postenoj	Master of Gonville and Caius College, Cambridge vd
vd	Fonto: Vikidatumoj
	v • d • r

Johano Kajo (1510-1573) estis angla kuracisto, helenisto, erudiciulo kaj dua fondinto de la nuna "Gonville and Caius College", en Kembriĝo. Li aktivis kiel persona kuracisto de la angla reĝo Eduardo la 6-a, kaj la reĝinoj Maria la 1-a kaj Elizabeta la 1-a. Tamen, li eksiĝis el tiu posteno kaŭze de siaj ligiloj al la romkatolika fido. Nekongrue li estis akuzita pri ateismo kaj pri sekreta konservado de kolekto da ornamaĵoj kaj ornatoj uzataj en la romkatolika liturgio. Ili estis trovitaj kaj bruligitaj en la tribunalo de la Kolegio.

Vivo redakti

Honorpordo de la
Kolegio Gonville and Caius

Johano Kajo studis teologion en Gonville Hall, Kembriĝo. Post diplomiĝo, en 1533, li vizitis Italion, kie li studis sub gvidado de la renoma Johannes Baptista Montanus (1498-1551) kaj Andreo Vesalio (1514-1564), en Padovo, kie, en 1541, li diplomiĝis kiel kuracisto.

En 1543, post vizito al pluraj lokoj en Italio, Germanio kaj Francio, li revenis al Anglio. Post reiro el Italio, li latinigis sian familinomon, kutimo uzata por mema grandigo, kvankam estis modo en lia epoko. En 1547, li aktivis kiel kuracisto, en Londono kaj estis invitata kiel membro de la Reĝa Kolegio de Kuracistoj en Londono, kie longatempe li estis prezidanto.

En 1557, en la tempo de la reĝino Maria, li pligrandigis la bazojn de sia malnova kolegio, kaj ŝanĝis la nomon "Goinville Hall" al "Kolegio Kajo", kaj dotis ĝin per pluraj institucioj, kun aldono de komplete nova tribunalo je la kostopago de 1 834 sterlingaj pundoj. En la 24-a de januaro 1559 li akceptis la majstrecon de la kolegio, okaze de la forpaso de la akademiulo D-ro Tomaso Bakono, prebendisto de Ely, kiu mortis en la 2-a de januaro 1559. Li konservis tiun postenon ĝis unu monaton antaŭ ol sia morto.

Naŭfoje li elektiĝis kiel prezidanto de la Reĝa Kolegio de Kuracistoj en Londono, kies raporto estis de li lasita en la "Annales collegii medicorum" (Analoj de la medicina kolegio, 1520-1565). Li revenis al Kembriĝo el Londono, junie de 1573, unu monaton antaŭ ol sia morto, kaj eksiĝis el sia posteno kiel majstro favore al Thomas Legge (1535-1607), profesoro en la Kolegio de Jesuo.^[1] Li mortis en sia londona hejmo, en la Hospitalo de Sankta Bartolomeo, en la 29-a de julio 1573, sed lia korpo estis portita al Kembriĝo, kaj sepultita en la kapelo sub la monumento de li projektita.

Kajo estis klera, aktiva kaj bonkora figuro. En 1557, li starigis monumenton memore al la humanisto kaj kuracisto Thomas Linacre (1460-1524), en la Katedralo de Sankta Paŭlo. En 1564, li ricevis permeson de la Kolegio Gonville kaj Caius por prenado de la korpoj de du eksterleĝuloj por disekcio. Do li estis grava pioniro en la avancitaj esploroj de la scienco pri anatomio. Li eble kreis kaj certe donacis la arĝentan kaduceon, hodiaŭ apartenanta al la Kolegio Kajo kiel parto de ties insigno. Unue li donis ĝin al la Kolegio de Kuracistoj, kaj poste donacis alian al la Kolegio de Londono.

Verkaro redakti

De medendi methodo, 1544, (Pri mezurkriterio)
De libris suis, 1544, 1570
Galeni de tuenda valetudine (Bazelo, 1549)
Boke or counseill against the disease called the sweate (1552)
De Ratsone Vicius (Loveno 1556, 8 voluma)
De Ephemera Britannica, 1556, Londono
Opera aliquot et versiones, Loveno, 1556
Galeni Pergameni libri (Bazelo, 1557).
De antiquitate Cantabrigiensis Academiæ libri duo. In quorum secundo de ..., 1568
De Canibus Britannicis. 1570, 1729.
De Libris propriis. Londono, 1570.
Of Some Rare Plants and Animals (Pri kelkaj raraj plantoj kaj bestoj, Londono, 1570)
De Pronunciatione Graecae et Latinae Linguae. Londono. 1574.
Historiae Cantabrigiensis Academiae, 1574
Of Englishe Dogges: The Diuersities, the Names, the Natures, and the Properties (Londono, 1576).
Thomæ Caii ... Vindiciæ antiquitatis Academiæ oxoniensis contra Joannem ..., 1730, Thomas Caius, John Caius, Anthony à Wood, Humphrey Humphreys (sinsekve Episkopo de Bangor kaj Hereford)
Librialiquot Graeci, kolekto da grekaj komentoj kaj pri la tekstoj de Galeno.
De Thermis Britannicis; ekzistas duboj ĉu ĉi-verko estis iam presita
Hippocrates de Medicamentis, (Hipokrato kaj liaj medikamentoj, unue malkovrita kaj publikigita de D-ro Caius)
De Rariorum Animalium Et stirpium historica (Pri la historio de raraj bestoj kaj plantoj)
De ephemera Britannica
Compendium Erasmi Libri de verâ Theologiâ (Kompendio de Erasmo pri la vera teologio)
De libris Galeni qui non extant