Kornusacoj

Estas neniuj versioj de ĉi tiu paĝo, do ĝi eble ne estis kvalite kontrolita.

La kornusacoj^[2] (latine Cornaceae) estas planta familio el la dukotiledonaj angiospermoj. Tiu familio apartenas al la ordo kornusaloj (Cornales). Ĝi enhavas 12 genrojn kaj ĉirkaŭ 120 speciojn^[1]^,^[3]. Ĝia tipa genro estas kornuso^[2].

Kiel legi la taksonomion

Kornusacoj

sangoruĝa kornuso (Cornus sanguinea)

Biologia klasado

Regno:	plantoj Plantae
Subregno:	trakeofitoj Tracheophyta
Superdivizio:	spermatofitoj Spermatophyta
Divizio:	angiospermoj Angiospermae
Klaso:	dukotiledonoj Magnoliopsida
Subklaso:	asteredoj Asteridae
Ordo:	kornusaloj Cornales
Familio:	kornusacoj Cornaceae Bercht. ex J.Presl ^[1]

Tipa genro

kornuso Cornus
L.

Aliaj Vikimediaj projektoj

Sistematiko en Vikispecioj

Komunejo pri Kornusacoj

v • d • r

Tiuj plantoj estas arboj aŭ arbedoj, nur malofte lianoj, moltigaj plantoj. La ofte simplaj folioj sidas kontraŭe. La plimulto de la specioj vivas en Nord-Ameriko kaj en Azio sub la kontinenta klimato. La infloresko estas ŝajnombrelo, kapeto, paniklo. La floroj estas etaj 4-5 partaj kun kaliko, korolo. La stamenoj staras en unu rondo. Frukto estas drupo aŭ malofte bero.

Taksonomio

Laŭ World Flora Online kaj The Plant List (16 jun. 2020)^[1]^,^[3], jen ĉi-sube la listo de la akceptitaj taksonoj, kaj ties Esperantaj nomoj^[4]:

Angiospermae - angiospermoj
- Cornales Link - kornusaloj
  - Cornaceae Bercht. ex J.Presl - kornusacoj
    - Alangium Lam. - alangio
    - Camptotheca - kamptoteko
    - Chamaepericlymenum Graebner in Ascherson & Graebner - kameperiklimeno
    - Cornus L. - kornuso^[2]
    - Davidia - davidio
    - Diplopanax - diplopanako
    - Griselinia - grizelinio
    - Kaliphora - kaliforo
    - Mastixia - mastiksio
    - Nyssa - nisao
    - Swida Opiz - svido
    - Toricellia - toricelio

Kelkaj taksonoj

Kornuso (Cornus): specioj estas malaltaj staŭdoj kaj altaj arbedoj kun folioj plejofte duope kontraŭsidantaj, ovoformaj, ebenrandaj. La floroj estas malgrandaj, epiginaj, kvarnombraj en umbeloj. La drupoj estas diverskoloraj, la kornusfrukto havas adstringan guston.
- maskla kornuso (Cornus mas): praplanto en Mez-Eŭropo kun flavaj floroj. Ties skarlatruĝajn fruktojn oni konsumis krude aŭ sukerumita aŭ kiel marmelado. La tre kompakta ligno estis tre demandata, torneblamaterialo. La hungaraj paŝtistoj havis bastonon el tiu arbedo.
Nyssa: Tupelo

Antaŭe oni ankaŭ metis inter la kornusacoj la aŭkubon (Aucuba), kvankam oni nun ĝin lokigas inter la gariacoj.
Aŭkubo: orient-azia dioika, daurafolia arbedo kun verdaj, forkece disbranĉiĝantaj branĉoj popare kontraŭsidantaj, brilglataj ledecaj, dentrandaj folioj. La floroj estas ne okulfrapaj, ofte brunpurpuraj. La frukto estas skarlataj aŭ ruĝkoloraj beroj. Pluraj specioj ĝardene aŭ pote kulturataj.