La blanka malsano

La blanka malsano subtitolita Triakta dramo en 14 bildoj, estas teatraĵo de Karel Čapek, Esperantigita fare de Theodor Kilian. La verko estis eldonata de Moraviaj Esperanto-Pioniroj el Olomouc en la jaro 1938.

La blanka malsano Triakta dramo en 14 bildoj
Aŭtoro	Karel Čapek
Eldonjaro	1938
Urbo	Olomouc
Eldoninto	Moraviaj Esperanto-Pioniroj
Paĝoj	100

Enhavo-Recenzoj

„ La temo estas la problemoj de la nuna mondo kiuj gvidas al la mondmilito kaj la homoj kiuj rezistas al la venanta milito. La aŭtoro pripensas iun povan epidemion, specon de lepro kiu furiozas inter la homoj pli aĝaj ol 45 jaroj. Iu kuracisto eltrovas la kuracilon sed li volas malkaŝi ties kemian kunmetaĵon nur tiam se la gvidantoj de la homaro konsentos forigi la armilojn kaj efektive faros neebla la pluan militadon. Drama lukto sceniĝas inter la potencaj gvidantoj kaj la sola kuracisto kiu tamen en sia rifuzo kuraci la potenculojn estas same senindulga kiel tiuj en la gluiĝo al siaj ideoj. La fino de la dramo alportas neniun solvon kiel la aŭtoro diras "ni ne povas solvi ĝin per vortoj kaj ni devas lasi la solvon al historio". La dramo abundas en streĉe tragikaj scenoj plenaj de profunde homaj vibradoj. La traduko estas senriproĉa. ” — Historio de Esperanto, volumo 3, p. 952-953

Eksteraj ligiloj

• Katalogo de Biblioteko Hippolyte Sebert
• Katalogo de CDELI
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo de Kataluna Esperanto-Asocio
• Katalogo de Arkivigite je 2020-07-03 per la retarkivo Wayback Machine Nacia Biblioteko de Esperanto
• Katalogo de Universitato de Amsterdamo