Minnie Nast
Minnie Helena von Frenckell-Nast (naskita la 10-an de oktobro 1874 en Karlsruhe – mortis la 20-an de junio 1956) estis germana soprano. Ŝi studis en la Konservatorio de sia naskurbo kaj debutis en Aachen en la jaro 1897.[1]
| Minnie Nast | |
|---|---|
| |
| Persona informo | |
| Naskiĝo | 10-an de oktobro 1874 en Karlsruhe |
| Morto | 20-an de junio 1956 (81-jaraĝa) en Füssen |
| Lingvoj | germana |
| Ŝtataneco | Germanio |
| Familio | |
| Edz(in)o | Karl von Frenckell |
| Okupo | |
| Okupo | operkantisto |
En 1905[2] ŝi edziniĝis al la tre aktiva esperantisto Karl von Frenckell, finna konsulo kaj bankestro.
Ŝi ankaŭ turneis en Kanado, Usono, Rusio, Nederlando kaj Britio. Post sezono en 1907, ŝipdrono mortigis multajn el ŝiaj operkompaniaj kolegoj kaj tio igis ŝin decidi ne plu turnei ekster la kontinento.
Nast prezentis sin en Dresdeno inter 1898–1919 kaj de tiam ŝi instruis kanton en la urbo, ĝis bombado super la urbo en 1945 okaze de la Dua Mondmilito.
Nast specialistiĝis pri leĝeraj kaj subtenaj roloj, aparte de Mozart, kaj ŝi ellaboris la rolon de Sophie por Der Rosenkavalier, en 1911. Ŝia klara tono kaj manko de daŭra vibrato estis imitita de aliaj sopranoj de la periodo. Ŝi faris kelkajn sonregistraĵojn, kiuj atestas altan teknikan kapablon, inkluzive de ŝia parto en la triopo de Der Rosenkavalier. Ŝi ankaŭ kantis en la rolo de Micaëla en la unua sonregistraĵo de Carmen.
Referencoj redakti
- ↑ Stinchelli, Enrico. (2002) Les stars de l'opéra: grands artistes lyriques de l'histoire.
- ↑ Artikolo Frenckell-Nast, Minnie Helena von, en: "Frauen auf die Straßen(-)schilder", Dresden 2007, p. 29.