Nazareto

	Nazareto
	hebree נצרת, arabe النَّاصِرَة an-Nāṣira
	urbo
	Vido al Nazareto el El Kishleh
	Blazono
	Blazono
	Oficiala nomo: נצרת
Lando	Israelo
Distrikto	Norda distrikto
Historiaj regionoj	Izraela reĝlando, Galileo
Montaro	Harej Nacrat
Uedoj	Nachal Mizra, Nachal Tavor, Nachal Cipori
Situo	Nazareto
- alteco	300 m s. m.
- koordinatoj	32° 42′ 07″ N 35° 18′ 12″ O / 32.70194 °N, 35.30333 °O (mapo)
Areo	14,123 km² (1 412,3 ha)
Loĝantaro	72 500 (2010)
Denseco	5 133,47 loĝ./km²
Orogenenezo; montariĝo	5
Unua skribmencio	200
Urbestro	Ramiz Jaraisy
Horzono	IST (UTC+2)
- somera tempo	ISST (UTC+3)
	Situo de Nazareto enkadre de Israelo Situo de Nazareto enkadre de Israelo
	Situo enkadre de Azio Situo enkadre de Azio
	Vikimedia Komunejo: Nazareth
	Retpaĝo: www.nazareth.muni.il

Koordinatoj: 32° 42′ 07″ N 35° 18′ 12″ O / 32.70194 °N, 35.30333 °O (mapo)

Nazareto aŭ Nazaret^[1] (hebree נצרת; arabe الناصرة an-Nāṣira) estas urbo en la norda regiono de Israelo en la historia Galileo. Ekde la mezepoko loĝis tie ĉefe arabaj kristanoj.

Kune kun la apuda urbo Nazaret Illit (נצרת עילית, Supera Nazareto) Nazareto havis ĉirkaŭ 120.000 loĝantoj en 2005. En Nazerat Illit loĝas ĉefe judoj kaj en Nazareto ĉefe islamanoj kaj kristanoj.

Nazareto havas specifan signifon, ĉar oni rigardas ĝin probabla naskiĝloko de Jesuo, laŭ kelkaj historiistoj kaj elstaraj ekzegezistoj eĉ el kristana flanko, kiuj atribuas la elekton de Betlehemo kiel naskiĝloko elpensitan de la unua kristanoj por apliki al Jesuo la profetaĵo de Miĥa kaj lin ligis al la opiniataj Davidaj renomo kaj bonŝancaro.

Ĉar en la antikveco neniu antaŭkristana dokumento parolas kaj aludas vilaĝon “Nazareto”, kreiĝis emo inter kelke da bibliesploristoj ke Nazareto estis elpensita por igi pli laŭvera la surkruca skribaĵo de Pilato: NAZORAIOS tradukita “Nazarenus = NAZARETANO” anstataŭ “NAZOREO” aŭ por pravigi “nazareno” per kiu Jesuo estis nomata en novtestamentaj dokumentoj. Sed oni kontraŭopinias ke troas la mencioj en la evangeliaj sinoptikoj por tion indukti: fakte la vorto “Nazarth” aperas en Luko 1,26 (loko de la Anunciacio), 2,4 (vilaĝo de kie ekiras la Jesua familio), 2,39 (kien revenis post la puriĝo el la templo), 2,51 (kie Jesuo kreskis), en Mateo 2,21 (kie la Jesua familio iras loĝi reveninte el Egiptujo); en Marko 1,9 (de kie Jesuo eliras por ekbapti kaj baptiĝi, 4,13 (de kie Jesuo eliras por komenci predikadon); La tri sinoptikoj, krome, sammaniere rakontas la malsukceson de predikanta Jesuo en Nazareto. En Johano (1,45) Natanaelo montras malŝaton por la vilaĝo Nazareto.

Hodiaŭ Nazareto estas unu el la plej gravaj pilgrimejoj de la sankta lando. Tie, kie staris la domo de Maria kaj kien venis la anĝelo, nun leviĝas katolika baziliko 20-jarcenta, kies nomo estas Baziliko de la Anunciacio. Ĝi portas la surskribon Hic verbum caro factum est - Tie ĉi la vorto iĝis karno.

Konataj lokanoj

Azmi Bishara, israel-araba politikisto

Ĝemelaj urboj

Nazareto:

Neubrandenburg, Germanio

Nazaret-Illit:

Referencoj

↑ la urbonomo el la hebrea ankaŭ foje transskribiĝas al latinaj literoj Nazerat aŭ Naz'rat, kaj foje aldoniĝas fina litero h - la origina hebrea vorto נצרת havas nur la konsonantojn NCRT (C = TS, ne Z), la vokaloj ne skribe fiksiĝas

Eksteraj ligiloj

Nazareto en la Vikimedia Komunejo (Multrimedaj datumoj)
Kategorio Nazareto en la Vikimedia Komunejo (Multrimedaj datumoj)

retejo de Nazareto (angle) Arkivigite je 2006-08-15 per la retarkivo Wayback Machine
retejo de Nazaret-Illit (angle) Arkivigite je 2014-07-14 per la retarkivo Wayback Machine

Distriktoj de Israelo

[1] urbonomo el la hebrea ankaŭ foje transskribiĝas al latinaj literoj Nazerat aŭ Naz'rat, kaj foje aldoniĝas fina litero h - la origina hebrea vorto נצרת havas nur la konsonantojn NCRT (C = TS, ne Z), la vokaloj ne skribe fiksiĝas

[1]