Nikolaj Baskov

Nikolaj Baskov (Nikolaj Victoroviĉ Baskov, cirile Николай Викторович Басков, naskiĝis la  15-an de oktobro 1976(nun 1976-10-15) en Balaŝiĥa, Rusia SFSR, do nun 48-jara) estas soloa kantisto rusa. Li estas tenoro kaj famiĝis kantante kaj klasikajn operajn ariojn kaj popmuzikaĵojn.

Nikolaj Baskov
Bazaj informoj
Naskonomo	Nikolaj Victoroviĉ Baskov
Naskiĝo	15-an de oktobro 1976 (1976-10-15) (48-jaraĝa) en Moskvo
Ĝenroj	popmuziko
Profesio	kantisto
Retejo	oficiala retejo (ruse)
Persona informo
Lingvoj	rusa • itala
Ŝtataneco	Sovetunio Rusio
Alma mater	Gnessin Russian Academy of Music (en) Moskva Ĉajkovskij Konservatorio
Familio
Amkunulo	Oxana Fedorova (en) Victoria Lopyreva (en)
Infano	1
Okupo
Okupo	operkantisto profesoro showman (en) tenor (en) komponisto prezentisto aktoro universitata instruisto televida prezentisto filmaktoro
TTT
Retejo	http://baskov.ru/

En 2001 li ricevis la honorigon "merita artisto de Rusio" kaj en 2009 la titolon "popola artisto de Rusio, krome ankaŭ la honorigon "popola artisto de Ukrainio". Krome li konatiĝis kiel konkursanto en la rusa televida programo Kio? Kie? Kiam?.

Li studis en la Ŝtata Muzika Kolegio Gnessin en Moskvo kaj en la samurba Ŝtata Konservatorio Petr Ĉajkovskij. En 1998 li gajnis la unuan premion de la Tutrusia Konkurso de Junaj Kantistoj kaj en 1999 la duan premion de la internacia konkurso Grande Voce (itale, do "grandaj voĉoj") en Hispanio.

Samjare li invitiĝis en la trupon de la moskva Bolŝoj-teatro, kie li soloe elstaris en arioj en multaj diversaj operoj. En 2000 li registrigis sian unuan soloan albumon titolitan «Posveŝenie» (Dediĉo). La muzika filmo por la albuma kanzono «Memore al Caruso» estis ofte prezentita en la rusia televido kaj tre kreskigis lian popularecon. Ekde la jaro 2001, li forlasis la Bolŝoj-teatron kaj sukcese plenumas soloistan karieron. Kvankam lia repertuaro grandparte konsistas el moderne rearanĝitaj operaj arioj kaj muzikaj romancoj, li prezentas ankaŭ iujn popmuzikajn muzikaĵojn. Ofte li kantis duope kun aliaj popmuzikaj gekantistoj kiel ekzemple Sofia Rotaru, Katja Lel kaj Svetlana Svetikova, kaj ankaŭ kun aliaj opergekantistoj kiel ekzemple Montserrat Caballé.

Diskaro

• Посвящение (Dediĉo 2000)
• Посвящение на бис (Dediĉo Ankoraŭ 2000)
• Шедевры уходящего века (Majstroverkoj de la Pasinta Jarcento, 2001)
• Мне 25 (Mi estas 25, 2001)
• Никогда не говори прощай (Neniam diru adiaŭ', 2004)
• Отпусти меня (Liberigu min, 2005)
• Лучшие песни (Plej bonaj kanzonoj, 2005)

Eksteraj ligiloj

• oficiala retejo (ruse) Arkivigite je 2011-09-03 per la retarkivo Wayback Machine