Reĝlando Bohemio
La Reĝlando Bohemio aŭ Regno de Bohemio, foje ankaŭ referita kiel la Ĉeĥa Regno, aparte kiel aldona, alternativa nomo en la angla literaturo[1][2] (germane Königreich Böhmen, latine Regnum Bohemiae, ĉeĥe české království), estis historia, origine oficiale german- kaj latinlingva ŝtato situanta en la regiono Bohemio en Mezeŭropo, kiu ekzistis de 1198 ĝis 1918 kaj ekde la fondo de la reĝlando ĝis la malfondo de la imperio en 1806 estis integra parto de la Sankta Romia Imperio de germana nacieco. La teritorio de la reĝlando Bohemio estas nuntempe inkludita en la nuntempa Ĉeĥio. Ekde 1348 al ĝi estis ligitaj pluraj najbaraj regnoj en la Krono de Bohemio (historie latine Corona Bohemiae kaj germane Böhmische Krone). Dum sia pinto, ĝi havis ankaŭ partojn de nuna Aŭstrio, Germanio, Hungario, Italio, Pollando, Slovakio, Slovenio kaj Ukrainio (por Zakarpackaja Oblasto). Ĝi estis regno en la Sankta Romia Imperio, kaj la reĝo estis princo-elektisto de la imperio ĝis ĝia dissolvo en 1806. Multaj reĝoj de Bohemio estis ankaŭ elektitaj Imperiestroj de la germanlingva Sankta Romia Imperio. Ĝia ĉefurbo Prago estis efektive la centro de la Sankta Romia Imperio en la fino de la 14-a jarcento, kaj ĉe la fino de la 16-a kaj komenco de la 17-a jarcento. De 1526, la regno estis ade regita fare de la Habsburgoj kaj ĝia posteula domo Habsburgo-Loreno.
| Reĝlando Bohemio | |||||||||
| Origina nomo: | |||||||||
|---|---|---|---|---|---|---|---|---|---|
| Königreich Böhmen Regnum Bohemiae | |||||||||
| |||||||||
|
|
| ||||||||
| historia lando • Landopartoj de Aŭstrio-Hungario • ŝtato de la Sankta Romia Imperio | |||||||||
Geografio
| |||||||||
| Ĉefurbo: | |||||||||
| Loĝantaro | |||||||||
| Ŝtat-strukturo | |||||||||
| |||||||||
.svg)
Post la dissolvo de la Sankta Romia Imperio en 1806, la teritorio iĝis parto de la pli granda Aŭstra Imperio de la Habsburgoj, kaj poste de la Aŭstri-Hungara Imperio de 1867. Bohemio retenis sian nomon kaj formalan statuson kiel aparta Regno de Bohemio ĝis 1918, konata kiel kronregiono ene de la Aŭstri-Hungara Imperio, kaj ĝia ĉefurbo Prago estis unu el la gvidaj grandurboj de la imperio. En la lastaj jaroj de Aŭstrio-Hungario, Bohemio estis la plej progresinta de la imperio kaj ekonomie prospera kronregiono. La ĉeĥa lingvo (nomita foje la bohema lingvo en populara uzokutimo ĝis la 19-a jarcento) estis grava lingvo de la dieto kaj la nobelaro ĝis 1627 (post kiam la ĉeĥoj perdis la Tridekjaran Militon). La germana poste triumfis kiel la lingvo de la dieto ĝis la ĉeĥa nacia reviviĝo en la 19-a jarcento. La germana ankaŭ estis vaste utiligita kiel la lingvo de administracio en multaj urboj post kiam germanoj enmigris kaj loĝis kelkajn areojn de la lando en la 13-a jarcento. La reĝa tribunalo uzis la ĉeĥan, latinan, kaj germanan lingvojn, depende de la reganto kaj periodo.
Sekve de la malvenko de la Centraj Potencoj en la Unua Mondmilito, kaj la regno kaj la imperio estis dissolvitaj. Bohemio iĝis la kerna parto de la Ĉeĥoslovaka Respubliko formita fine de oktobro 1918.
Regantoj de Bohemio
redaktiNotoj
redakti- ↑ Bradshaw, George. (1867) Bradshaw's illustrated hand-book to Germany. (angle)
- ↑ Chotěbor, Petr. (2005) Prague Castle : Detailed Guide, 2‑a eldono, Prague: Prague Castle Administration, p. 19, 27. ISBN 80-86161-61-7. (angle)
Referencoj
redakti- Pánek, Jaroslav. (2009) A History of the Czech lands. Prague: Karolinum. ISBN 978-80-246-1645-2.
- Bobková, Lenka. (2006) 7. 4. 1348 – Ustavení Koruny království českého: český stát Karla IV. (Founding of the Crown of Bohemian Kingdom: Czech State of Charles IV) (Czech). Praha: Havran. ISBN 80-86515-61-3.
- Agnew, Hugh LeCaine. (2004) The Czechs and the Lands of the Bohemian Crown. Stanford: Hoover Institution Press. ISBN 0-8179-4492-3.