Skotocerko
La Skotocerko (Scotocerca inquieta) estas specio de birdo de la familio de Cistikoledoj. Ĝi estas monotipa ene de la genro Scotocerca, kio nomigas la specion.
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Skotocerko
 | ||||||||||||||
| Biologia klasado | ||||||||||||||
| ||||||||||||||
| Scotocerca inquieta (Cretzschmar, 1827) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Ĝi estas malgranda specibirdo tre facile distingebla pro sia sinteno kutime levanta rekte la longan voston dum mallevas la flugilpintojn. Ĝi estas grizeca supre kaj blankeca sube aŭ sablokolora kun tre klare markataj kaj videblaj ruĝecaj flankoj. Ankaŭ la kapobildo estas distinga, nome tre markata nigreca traokula strio super grizbruneca vango kaj sub tre larĝa hela superokula strio; ankaŭ en krono estas nigreca fajna striado nome en frunto pli kiel punktoj kaj pinte pli kiel vertikalaj strioj. La resto de supraj partoj estas grizecaj, pli malhele en flugiloj kaj vosto, dum la pugo estas ruĝeca kiel la flankoj. Ankaŭ la kruroj estas ruĝecaj. La gorĝo estas blankeca kun sama fajna nigreca vertikala striado.
Ĝi troviĝas en Norda Afriko, Mezoriento al Pakistano kaj Centra Azio, nome en la landoj Afganio, Alĝerio, Egiptio, Barato, Irano, Israelo, Jordanio, Kazaĥio, Libano, Libio, Maŭritanio, Maroko, Omano, Pakistano, Palestino, Rusio, Saŭdarabio, Sirio, Taĝikio, Tunizio, Turkmenio, Unuiĝintaj Arabaj Emirlandoj, Uzbekio, Okcidenta Saharo kaj Jemeno.
Referencoj redakti
- BirdLife International 2004. Scotocerca inquieta[rompita ligilo]. 2006 IUCN Ruĝa Listo de Minacataj Specioj. Konsultita la 27an de julio 2007.