Skorenovac
Skorenovac, serbe Скореновац, hungare Székelykeve [sEkejkeve], germane Skorenowatz estas vilaĝo en Serbio, en aŭtonomio Vojvodino, en distrikto Suda Banato, en municipo de Kovin.
Bazaj informoj redakti
- Areo: 55 km²
- Loĝantaro: 2570
- Poŝtkodo: 26228
- Telefonprefikso: +381 13
Situo redakti
Skorenovac situas proksime de Danubo. Kovin troviĝas 6, Panĉevo 30, Beogrado 46 km-ojn.
Historio redakti
La unua mencio devenis el 1412 laŭ latina formo "Zkorenovetz Terra". Fine de la 19-a jarcento hungaroj el trans Karpatoj, germanoj kaj bulgaroj refondis la vilaĝon. En 1888 inundo okazis. En 1910 vivis en Székelykeve 4541 homoj en 685 domoj (hungaroj 73 %, germanoj 12 %, serboj 1 %). Ĝis 1918 ĝi apartenis al Hungara reĝlando, al Temes (reĝa departemento), al distrikto de Kevevára. Poste Skorenovac apartenis al estonta Jugoslavio, ekde 2006 kiel Serbio. Inter 1941-1944 la germana armeo okupis la vilaĝon.
En 2002 loĝis 2 574 homoj (2232 (87 %) hungaroj, 141 serboj kaj aliaj).