Stefan Maul

Stefan MAUL (naskiĝis la 25-an de septembro 1940 en Gundinci, Slavonio) - germana ĵurnalisto, teologo kaj esperantisto.

Stefan Maul
Persona informo
Naskiĝo	25-an de septembro 1940 (1940-09-25) (83-jaraĝa)
Lingvoj	Esperanto • germana
Ŝtataneco	Germanio
Okupo
Okupo	esperantisto

Kiel junulo multe aktivis en la Katolika Esperanto-movado kiel redaktoro de la katolika junulara gazeto Birdo / La Alta Flugo (organo de la junulara sekcio de IKUE, 1960-63) kaj ankaŭ kiel redaktoro de Kristana Ekumeno (1963-65), Kontakto (1966-67), Espero Katolika de IKUE (1966-71) kaj Internacia Ĵurnalisto (1991-2004).

Maul estis fondinto (kune kun Torben Kehlet) kaj longe ĉefa motoro de la internacia magazino "Monato" (ĉefredaktoro de 1980 ĝis la fino de 1991 kaj de 1999 ĝis 2010).

Li estis prezidanto de la ĵurnalista asocio TEĴA (1991-2003), prezidanto de la FAME-fondaĵo (1994-99), membro de la Akademio de Esperanto (1998-2007) kaj la unua direktoro de ties Lingva Konsultejo (1999-2007).

De 1995 li estas docento de AIS San-Marino. Ĉion ĉi li plenumis honorofice, laborante ĝis emeritiĝo kiel politika redaktisto de germana ĵurnalo.

Verkaro

Sinjoro Talpo (=Stefan Maul) en bildstria serio, Monato 1981

• Stef-po-emoj
• Germana ĵurnalisto komentas (1981 ĉe Eldona Societo de Nagoya Esperanto-Centro))
• La Jaro 1981 (unua eldono de kalendaro, kiu poste aperis seninterrompe ĝis hodiaŭ)
• Manlibro pri Ĵurnalismo, kune kun Judith Junger (1982 ĉe TK/Stafeto, reeldono en 1989 ĉe FEL)
• Esperanto-Schnell-Kurs (reverko de kurso de Hans Koch; 1983 ĉe TK/Stafeto, reeldono en 1989 ĉe FEL)
• Pri kelkaj gravaj problemoj de l' Esperanto-movado (1987 ĉe FEL)
• Sub la signo de socia muzo, kune kun William Auld (1987 ĉe FEL)
• Vortaj (a)ludoj (1987 ĉe FEL)
• Falsaj amikoj - Schwierigkeiten im Wortschatz Esperanto-Deutsch (1992 ĉe Pro Esperanto)
• Deklingva Manlibro pri Politiko, kiel editoro (1994 ĉe FEL)
• El verva vivo ĵurnalista (aŭtobiografio) (2005 ĉe FEL)

Esperanto-gazetoj redaktitaj de Stefan Maul

• Birdo / La Alta Flugo
• Kristana Ekumeno
• Kontakto
• Espero Katolika
• Monato
• La Strobilo
• Internacia Ĵurnalisto

Bildaro

• 
  Pri Kelkaj Gravaj Problemoj de l' Esperantomovado, 1986
• 
  Kovrilpaĝo de Manlibro pri ĵurnalismo, 1982
• 
  Kovrilpaĝo de Vortaj (a)ludoj, 1987

Literaturo

• Halina Gorecka, Aleksander Korĵenkov, Nia diligenta kolegaro. Biografioj de 200 eminentaj esperantistoj, p. 197-198, Sezonoj, Kaliningrado, Litova Esperanto-Asocio, Kaunas 2018, ISBN 978-609-95087-6-4

Eksteraj ligiloj

Trovu « Stefan Maul » inter la Vizaĝoj de homoj rilataj al la ideo «Internacia Lingvo»

• Monato sin (lin) prezentas
• OLE
• Libroj kaj aliaj dokumentoj de kaj pri Stefan Maul en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine