Espero Katolika
Espero Katolika estas katolika Esperanto-revuo, eldonata de Internacia Katolika Unuiĝo Esperantista.
| Espero Katolika | |
.jpg) Kovrilpaĝo de la 4-6a numero, 2007
| |
| periodaĵo | |
|---|---|
|
| |
| Posedanto | Internacia Katolika Unuiĝo Esperantista |
| Ĉefredaktisto | Marija Belošević |
| Establodato | 1903 |
| Ĉesigita publikado | 2021 |
|
| |
| Retejo | [1] |
Ĉi tiu artikolo temas pri la gazeto de IKUE. Por informoj pri pliaj signifoj de la vorto "Espero", vidu la artikolon Espero.Unuafoje eldonita en 1903 [1], krom la interrompoj dum la du mondmilitoj daŭre eldonata ĝis 2021, oni nomis ĝin dum longa tempo la plej malnova Esperanto-gazeto daŭre aperanta.
Ĝia fondinto estas la pastro Emile Peltier [2], el Tours (Francujo), kiu la unuan numeron eldonis en oktobro 1903 kaj estis la animo de la gazeto ĝis 1908. Poste redaktoro estis ĝis 1911 Claudius Colas, el Parizo. De 1911 al 1923 redaktoris J. Smulders, el Nederlando (en 1921 F. Meŝtan el Vieno), de 1924 al 1932 G. Ramboux el Parizo, de 1932 Joan Font i Giralt el Hispanujo.
Ĝia formato en 1933 estis 27x18, kun varianta paĝonombro.
Jam en la unua numero aperis alvoko akcentita: "For la neŭtralismon!"; Espero Katolika restis ĉiam konscia, eĉ ofte "militanta" defendanto de la katolika dogmaro kaj eklezio. La revuo aperis ĉiam kun la aprobo de la ekleziaj aŭtoritatoj kaj akiris trifoje apostolan benon de la papo.
Redaktoroj de Espero Katolika post la Dua Mondmilito estis i.a. Stefan Maul, Carlo Sarandrea kaj Miloslav Šváček. La revuo ne aperis en la jaroj 2022 kaj 2023. Tamen en marto 2024 aperis samtempe en presita formo kvar numeroj de 2023, redaktitaj de Marija Belošević, kun sume 72 paĝoj en formato A5. Sekvis en junio de tiu jaro la unua numero de 2024.
Aliaj projektoj
redaktiReferencoj
redakti- ↑ Stojan, Petro 1929 : Bibliografio de Internacia Lingvo, numero 3280, paĝo 318
- ↑ Katalogo de Esperantomuzeo kaj Kolekto por Planlingvoj
Eksteraj ligiloj
redakti- Paĝoj konstruataj kun la tekstoj de ĉiuj jarkolektoj
- Historio de la revuo ĝis 1983 Arkivigite je 2008-05-12 per la retarkivo Wayback Machine
- EK de 1961 ĝis 2005
- EK de 2009 ĝis 2016 Arkivigite je 2021-02-11 per la retarkivo Wayback Machine
- EK de 2018 ĝis 2021
- Katalogo de Heredaĵbiblioteko Hendrik Conscience
- Katalogo "Erfgoedbib" en LibraryThing