The Open University
The Open University (angle la malferma universitato; mallonge OU) estas la plej granda ŝtata universitato en Britio kaj Eŭropo. Ĝi estis fondita en 1969.
| The Open University | ||
|---|---|---|
.JPG)
| ||
| Situo | ||
| Geografia situo | 52° 1′ 30″ N, 0° 42′ 20″ U (mapo)52.025-0.70555555555555Koordinatoj: 52° 1′ 30″ N, 0° 42′ 20″ U (mapo) | |
| lando | Unuiĝinta Reĝlando | |
| ||
 The Open University | ||
OU proponas distancajn studojn, konfirmilojn kaj studfinajn diplomojn pri gradoj kiaj bakalaŭreco, supera (laŭda) bakalaŭreco, magistreco kaj doktoreco (PhD = philosophiæ doctor).
En 1983 estis fondita la negoca-ekonomika fakultato Open University Business School, kiu nun estas inter la plej grandaj tiaj institutoj en la mondo.
StudadoRedakti
Studado ĉe OU baziĝas sur la principo de subtenata distanca lernado; tio signifas ke la studentoj ricevas ampleksan studmaterialon kaj estas (distance) akompanataj de zorganto, kun kiu ili havas retpoŝtan, telefonan kaj videokonferencan kontakton. Studado estas en la angla lingvo. Studentoj devas mem zorgi pri sufiĉa kompreno de tiu lingvo; ne estas lingvaj ekzamenoj por aliĝo. Ankaŭ aliaj kondiĉoj por enskribiĝo, ekzemple maturekzameno, ne ekzistas.
Tri-kvarfoje dum la studado okazas deviga "surloka kurso" (angle: residential school), kutime dum semajnfino en Anglio. Ankaŭ aliaj, nedevigaj ĉeestaj aranĝoj celas fortigi la personan kontakton de la studentoj inter si reciproke kaj kun siaj zorgantoj.
En la studjaro 2012/13 ĉe OU studis pli ol 200.000 studentoj, inter ili 13.227 eksterlande[1]. Pli ol 73 % de la studentoj laboras plen- aŭ partatempe dum la studado. La mezuma aĝo estas 29 jaroj.
Multo el la studmaterialo estas libere disponebla kaj uzata ankaŭ de aliaj universitatoj.
UniversitatejoRedakti
La universitatejo de OU estas en la urbo Milton Keynes en la pleja nordo de Sud-orienta Anglio. Ĉar la studado okazas distance, surloke studas nur ĉirkaŭ 150 studentoj; plejparte ili laboras pri doktoriĝo aŭ esplorprojekto.
Vidu ankaŭRedakti
ReferencojRedakti
- ↑ Facts & figures (HTML). The Open University. Arkivita el la originalo je 2014-08-26. Alirita 2014-08-24.