Tur-strato 4

Tur-Strato 4
Aŭtoro	Hans Weinhengst
Eldonjaro	1934
Urbo	Budapeŝto
Eldoninto	Literatura Mondo
Paĝoj	174
	v • d • r

Tur-Strato 4 estas 174-paĝa originale esperantlingva romano verkita de Hans Weinhengst. Ĝi unue aperis ĉe Literatura Mondo el Budapeŝto en la jaro 1934. Eldonejo Artur E. Iltis el Sarbrukeno prizorgis represon en 1988.

Libroprezentado de Turmstraße 4, la germana traduko de "Turstrato 4" de Hans Weinhengst, Vieno 2017. De maldekstre: Christian Cimpa, Jorghi Poll, Kurt Lhotzky

RecenzojRedakti

„ Profunda realismo, objektiva rakontmaniero pri la sorto de la falinto de l'vivo, montro de materiala kaj anima mizero. Flua, facila lingvo. ”

— 1934, Enciklopedio de Esperanto

„ Tur-Strato 4 estas unu el tiuj domegoj en la Viena laborista kvartalo, en kiu dum la nuna senlaborula tempo la mizero atingis sian kulminan punkton. En unu el la kvindekses loĝejoj loĝas Marta Groner, dekokjara knabino, kun siaj gepatroj. Feliĉo ne estas en tiu hejmo. Patro Groner, militviktimo, estas ebriulo kaj en kolerega stato li volas mortbati Martan pro tio, ke ŝi amas Karlon Weber, senlaborulon kaj kunloĝanton de la lu-kazerno. ”

— 1934, M. De Waard, La Esperanta Literaturo

TradukoRedakti

En 2017 publikiĝis en Vieno germanlingva eldono de la romano - Turmstraße 4. Tradukinto el la esperantlingva originalo estis Christian Cimpa.

Eksteraj ligilojRedakti

Kovrilo de la eldono de 1988.

Portalo pri Literaturo