Zacutus Lusitanus
Zacutus LUSITANUS ankaŭ konata kiel Manuel Alvares de Tavora estis portugala kuracisto kaj primedicina verkisto el juda deveno.
| Zacutus Lusitanus (1575–1642) | ||
|---|---|---|
 "De Medicorum Principum Historia", verko eldonita en 1640
| ||
| Persona informo | ||
| Abraham Zacuto Lusitano | ||
| Naskonomo | Manuel Alvares | |
| Naskiĝo | 1575 en Lisbono, Portugalio | |
| Morto | 22-a de januaro 1642 en Amsterdamo, Nederlando | |
| Lingvoj | latina vd | |
| Ŝtataneco | Reĝlando Portugalio  vd
| |
| Alma mater | Universitato de Koimbro Universitato de Salamanko | |
| Profesio | ||
| Okupo | historiisto de medicino vd
| |
| vd | Fonto: Vikidatumoj | |
Biografio
redaktiAbraham Zacuto Lusitano naskiĝis en 1575 en familio de Maranoj[1] kiel Manuel Alvares en Lisbono. Lia praavo estis la reĝa astronomo Abraham Zacuto (1450–1510). Studinte en la universitatoj de Koimbro kaj Salamanko, li finis siajn medicinajn studojn en Sigüenza en 1596 kaj revenis al Portugalio, kie li akiris aliron al la portugala kortego kiel praktika kuracisto.
En la aĝo de kvindek jaroj li elmigris al Amsterdamo en 1625 kun sia edzino kaj kvin infanoj, kie li revenis al judismo kaj prenis la nomon Abraham.
Sub la nomo Zacutus Lusitanus, li komencis publikigi kelkajn kuracistajn skribaĵojn. Unua verko aperis en Amsterdamo en 1629 sub la titolo "De Medicorum principum historia". Antaŭ 1642, kvin pliaj volumoj pri la medicinhistoria serio estis publikigitaj.
En 1634 li publikigis kolekton de maloftaj kaj eksterordinaraj kuracaj kazoj ("Praxis medica admiranda"). Liaj kompletaj verkoj aperis postmorte en 1649 en du foli-volumoj en Liono.
Verkaro
redakti- De Medicorvm Principvm Historia, 1629
- Praxis medica admiranda, 1637
- De febrium essentia, 1637
- In quo Medicinales omnes Medicorum Principum Historiae ..., 1638
- In Qvo de Medicorvm Principvm Historia, 1639
- In quo describitur curatio Morborum, qui partes Vitales, & naturales infestant, 1641
- Praxis Historiarvm, 1649
- Iatrica Seu, Praxis Medendi, 1684
Literaturo
redakti- Medical Ethics in the Renaissance
- Encyclopedia.com
- Personensuche
- WorldCat Identities
- Zacutus Portugal
- Biusanté
- Biografisch portaal van nederland
- Historical Encyclopedia of Natural and Mathematical Sciences
- Planets, Potions, and Parchments: Scientifica Hebraica from ...
- Knowledge and Religion in Early Modern Europe
Vidu ankaŭ
redakti- Abraham Zacuto (1450-1510)[2]
- Leono Hebreo (1464-1535)
- Amatus Lusitanus (1511-1568)
- Philotheus Elianus Montalto (1567-1616)[3]
- Manuel Bocarro Francês (1590-1668)
- Benedictus de Castro (1597-1684)
Referencoj
redakti- ↑ Maranoj estis hispanaj kaj portugalaj judoj vivantaj en la Iberia Duoninsulo kiuj konvertiĝis aŭ estis devigataj konvertiĝi al la Kristanismo dum la Mezepoko, tamen sekrete ili daŭre praktikadis la judismon.
- ↑ Jewish Encyclopedia
- ↑ Jewish Encyclopedia