Buchrain LU
|
Por aliaj signifoj, bv. rigardi la apartigilan paĝon: Buchrain |
Buchrain (prononcu buĥrajn) estas komunumo en la distrikto Lucerno en Kantono Lucerno, Svislando. Ĝi havis 5509 loĝantojn je la 31-a de decembro 2008.
| Buchrain | |
|---|---|
 | |
| komunumo en Svislando | |
| Kantono | Lucerno |
| Distrikto | Lucerno |
| Koordinatoj | 47° 5′ 44″ N 8° 20′ 51″ O / 47.09556 °N, 8.34750 °O (mapo)Koordinatoj: 47° 5′ 44″ N 8° 20′ 51″ O / 47.09556 °N, 8.34750 °O (mapo) |
|
| |
| Areo | 4,80 km² |
| Alteco | 458 m super marnivelo |
| Poŝtkodo | 6033 |
| Komunumkodo | {{{kodo}}} |
 | |
Geografio
redaktiBuchrain situas ce la bordo de la rivero Reuss kaj apartenas al la aglomeraĵo de la urbo Lucerno. Al la komunumo Buchrain apartenas krom la ĉefvilaĝo Buchrain mem la vilaĝo Perlen, kaj la setlejoj Altweg, Althof, Fahr, Fehr, Grossmatt, Hasenmatt, Haslirain, Kolben, Laubacher, Rütiweid, Leisibach, Oberperlen, Rain kaj Schachen.
Ĉe Perlen industria kanalo, konstruita en la jaro 1862, formas insulon sur la rivero, kie troviĝas multaj industrikonstruaĵoj.
La teritorio de la komunumo etendiĝas sur areo de 4,80 km², de 17,2% estas kovritaj de arbaro, 49,6% servas por agrikulturo kaj 27,4% por setlado.[1]
Najbaraj komunumoj
redaktiLa komunumo Buchrain limas en nordo al Eschenbach, en oriento al Root, en sudoriento al Dierikon, en sudo al Ebikon, en sudokcidento al Inwil kaj en okcidento al Emmen.
Trafiko
redaktiBuchrain disponas pri stacidomo ĉe la trajnlinio de Zugo al Lucerno. Krome la komunumo estas konektita al la publika transportreto per la buslinio n-ro 22 de la loka busreto de la urbo Lucerno.
Tra la komunumo pasas la kantona ĉefvojo de Zugo al Lucerno kaj la svisa aŭtovojo A14, al kiu la komunumo disponas en Schachen pri duona alveturejo al la direkto de Lucerno.
Historio
redaktiLa unua dokumenta mencio de Buchrain datiĝas el la jaro 1178 kiel Buorren.[2]
Dum mezepoko Buchrain estis administrobieno de la Monaĥejo Murbach en Alzaco. La monaĥejo devis vendi siajn bienojn en hodiaŭa Svislando en la jaro 1291 al la Habsburgoj. La civitanoj de Buchrain luktis en la Batalo de Sempach en la jaro 1386 flanke de la Lucernanoj, kaj post la venko en Sempach fariĝis kun la tuta voktejo Rothenburg lucerna.
Per la konstruo de la Reuss-Kanalo en la jaro 1862 en Buchrain komenciĝis la industria evoluo. Estiĝis lignoteksaĵo-fabriko kaj la paperfabriko en Perlen, kiu ankoraŭ hodiaŭ estas tre signifa.
Vidu ankaŭ
redakti- Aliaj lokoj kun la nomo Buchrain
- Buchrain (stacidomo)
Notoj kaj referencoj
redakti- ↑ Fonto: Profilo de la komunumo sur la retejo de la kantono[rompita ligilo]
- ↑ Fonto: Artikolo pri la komunuma historia en la retejo de Buchrain Arkivigite je 2011-01-23 per la retarkivo Wayback Machine
Eksteraj ligiloj
redakti- Oficiala retejo de la komunumo Buchrain
- Profilo de la komunumo sur la retejo de la kantono[rompita ligilo]
- Buchrain en la Historia Leksikono de Svislando
- Vidu ankaŭ en la Vikimedia Komunejo la kategorion Buchrain LU – (Kolekto de bildoj kaj plurmediaj dosieroj)