Amy Lowell
Amy LOWELL (naskiĝis la 9-an de februaro 1874, mortis la 12-an de majo 1925) estis usona literatursciencistino, eldonistino kaj poetino. En la jaro 1926, postmorte, ŝi gajnis la Premion Pulitzer en la kategorio liriko.
| Amy Lowell | |||||
|---|---|---|---|---|---|
| |||||
| Persona informo | |||||
| Naskiĝo | 9-an de februaro 1874 en Brookline | ||||
| Morto | 12-an de majo 1925 (51-jaraĝa) en Brookline | ||||
| Mortis pro | Naturaj kialoj  vd
| ||||
| Mortis per | Cerba sangado vd
| ||||
| Tombo | tombejo Mount Auburn vd
| ||||
| Lingvoj | angla vd | ||||
| Ŝtataneco | Usono vd
| ||||
| Familio | |||||
| Patro | Augustus Lowell (en)  vd
| ||||
| Patrino | Katherine Bigelow Lawrence (en) vd
| ||||
| Gefratoj | Abbott Lawrence Lowell (en) , Percival Lowell, Katherine Lowell (en) kaj Elizabeth Lowell Putnam (en) vd
| ||||
| Amkunulo | Ada Dwyer Russell (en) vd
| ||||
| Profesio | |||||
| Okupo | poeto verkisto mondumano vd
| ||||
| Laborkampo | Poezio vd
| ||||
| |||||
| vd | Fonto: Vikidatumoj | ||||
Amy Lowell naskiĝis en Brookline, Masaĉuseco, kiel filino de klera, influhava familio. Unu frato, Percival LOWELL, famiĝis kiel astronomo, alia frato, Abbott Lawrence LOWELL, servis kiel prezidento de la renoma Universitato Harvard.[1]
Ŝi mem ne studis, sed ege fervore legis librojn, vojaĝis multe kaj ekde 1902 komencis verki poemojn. En la jaro 1910 ŝi publikigis sian unuan verkon en la revuo Atlantic Monthly kaj en 1912 aperis ŝia poemaro A Dome of Many-Coloured Glass. Samjare ŝi ekkonis la aktorinon Ada Dwyer RUSSELL, kiu iĝis ŝia viv-partnerino.
La paro vojaĝis tra Eŭropo kaj amikiĝis kun Ezra POUND, kiu reprezentis la skolon de la imagismo kaj grave influis la verkadon de Amy Lowell.
Dum la sekvaj jaroj ŝi eldonis tri antologiojn: Some Imagist Poets (1915, 1916, 1917), krome ŝi publikigis aron da propraj verkoj, el kiuj aparte menciindas Sword Blades and Poppy Seed (1914), Men, Women and Ghosts (1916), Can Grande's Castle (1918), Pictures of the Floating World (1919) kaj What's O'Clock? (1925), kiu gajnis la Premion Pulitzer. Krom lirikon ŝi verkis eseojn kaj biografion pri John Keats. Ĉefe inter la feminismaj literatur-ŝatantoj ŝia verkaro ĝis nun trovas grandan atenton, ne laste ankaŭ pro la poemoj, kiujn ŝi verkis por siaj samseksema vivpartnerino.
Amy Lowell cetere imponis per sia memfida konduto, sia staturo kaj virecaj vestaĵoj. Maljuniĝante ŝi fumadis cigarojn kaj pro glanda malsano ŝi daŭre luktis kontraŭ sia dikeco. Ezra Pound iam nomis ŝin hippopoetess, kio estis miksaĵo el hippopotamus (= hipopotamo) kaj poetess (= poetino). Ŝi mortis 51 jarojn aĝa en sia naskiĝurbo.
Referencoj
redakti- ↑ Chosön, the Land of the Morning Calm; a Sketch of Korea. World Digital Library. Alirita 30-a de aprilo 2013 .