Andreas Schottus
Andreas Schottus (1552-1629) estis belga jezuito, humanisto, akademiulo, lingvisto, latinisto, hebreisto, tradukisto kaj eldonisto. Li eldonis kaj verkis sennombrajn publikaĵojn en la latina lingvo, estis profesoro pri retoriko en la "Roma Kolegio", lernanto de Cornelius Valerius (1512-1578) kaj amiko de vasta gamo da tiamaj humanistoj.
| Andreas Schottus (1552-1629) | ||
|---|---|---|
 Franca jezuito, akademiulo, lingvisto kaj tradukisto.
Pentraĵo de Theodoor Galle (1571-1633). | ||
| Persona informo | ||
| Naskiĝo | 12-a de Septembro 1552 en Antverpeno, Belgio, Malaltaj Landoj | |
| Morto | 23-a de Januaro 1629 en Antverpeno, Belgio, Malaltaj Landoj | |
| Religio | katolikismo vd | |
| Lingvoj | latina vd | |
| Alma mater | Universitato de Loveno Trilingva Kolegio de Loveno Universitato de Douai Universitato de Zaragozo Universitato de Toledo Pontifika Gregoria Universitato Universitato de Valencio | |
| Familio | ||
| Gefratoj | Franciscus Schott (en)   vd
| |
| Profesio | ||
| Alia nomo | A. S. Peregrinus vd | |
| Okupo | tradukisto klasikisto lingvisto filologo vd
| |
| vd | Fonto: Vikidatumoj | |
Biografio
redaktiPost la primaraj kaj sekundaraj studoj en sia naskiĝurbo, Andreo Skoto vizitadis la "Kolegion de la tri lingvoj", en Loveno, kie li daŭrigis siajn studojn gvidatajn de la latinisto "Cornelius Valerius" (1512-1578). Li same studis filozofion kaj ricevis la titolon de Majstro pri Artoj en 1573. La politikaj religiaj perturboj en 1577 igis lin lasi Lovenon.
.jpg)
Post iom da tempo en Douai, li translokiĝis al Parizo, kie li enamikiĝis al la humanistoj Ogier Ghislain de Busbecq (1522-1592) (kies domo Skoto vivis iom da tempo), Isaac Casaubon (1559-1614) kaj Joseph Justus Scaliger (1540-1609). En 1579 li estas en Hispanio kie unue li restas en Madrido, poste li iras al Alcalá de Henares, pli malfrue li instruas la grekan en la "Universitato de Toledo" (1580-1583).
Gaspar de Quiroga y Vela (1512-1595), la ĉefepiskopo de Toledo, havis por li tiom da estimo, ke li invitis Skoton al sia palaco kaj bone akceptis lin dum la tempo kiun li restis en la urbo. En la Universitato de Zaragozo (1583-1586) li instruis retorikon kaj la grekan. En la 17-a de aprilo 1584 li ordeniĝis sacerdoto.
Sciinte ke lia naskiĝurbo estis sieĝita de la hispana trupo de Aleksandro Farneze (1545-1592) (la fino de la sieĝo okazis en la 17-a de aŭgusto 1585), Andreo Skoto eniris en la Societo de Jesuo, plenume al promeso kiun li estis farinta. Li plenumis sian novicadon en Zaragozo inter 1586 kaj 1588. Post la novicado, li kompletigis sian trejnadon pri teologio en Valencio.
Tiam Skoto estis nomumita profesoro pri teologio en la jezuita kolegio de Gandio (1590-1593). En 1594 li estis alvokita al Romo de la Supera Generalo de la jezuitoj Claudio Acquaviva (1543-1615) kiel sukcedanton de Francesco Benci (1542-1594) okaze de la morto de ĉi-lasta. Skoto instruis retorikon en la Roma Kolegio (1594-1597).
En 1597, li revenis al sia naskiĝurbo por resti ĝis la fino de sia vivo. Tie li kuniĝas al teamo da verkistoj kaj erudiciaj jezuitoj gvidataj de Carlo Scribani (1561-1629). Liaj kontaktoj kun Parizo, Hispanio kaj Romo estis al li utilaj rilate al lia kontaktoj kun la humanistoj el Nederlando, kie multaj estis preterlasitaj de la katolikismo. Tiuepoke li enamikiĝas al Christoffel Plantijn (1520-1589), Abraham Ortelius (1527-1598) kaj Theodorus Pulmannus (1510-1607). Longatempe li korespondadis kun Justus Lipsius (1547-1606), kies ligiloj estas aparte konektitaj.
Verkaro
redakti- Sextus Avrelii Victoris Historiae Romanae Breviarivm 1577
- De vita et moribus imperatorum romanorum, Antverpeno, 1579
- Sex. Aurelii Victoris Historiae Romanae Breviarium, Antverpeno, 1579
- Pomponii Melae De situ orbis spicilegio auctus, Antverpeno, 1582
- Vita S. Francisci Borgiae Societatis Jesu praepositi generalis tertii, 1596
- Theodorum Galle imagines et elogia XII cardinalium pietate doctrina rebusque ... 1598
- Vitae comparatae Aristotelis ac Demosthenis, Aŭgsburgo, 1603
- Hispaniae illustratae Scriptores varii, Frankfurto ĉe Majno, 1603
- Photii Myriobiblon sive Bibliotheca, Aŭgsburgo, 1606[1]
- Laudatio Funebris ... A. Augustini, Archiepiscopi Tarraconensis, 1607
- Catalogus clarorum Hispaniae scriptorum: qui latine disciplinas omnes ... 1607
- Hispaniae Bibliotheca seu de Academiis ac Bibliothecis: item elogia et ... 1608
- Hispaniae illustratae seu urbium rerumque hispanicarum ... 1608
- Tullianarum quaestionum : de instauranda Ciceronis Imitatione 1610
- B. Hieronymi epistolarum selectarum libri tres, Tournai 1610
- Adagia Graecorum, Antverpeno, 1612
- Cicero A Calvmniis Vindicatvs: Qvi Est Tullianarvm Qvaestionvm And. Schotti ... 1613
- Observationum Humanorum lib. V ejusdem nodi Ciceron... 1615
- Tabulae rei nummariae Romanorum Graecorumque, Antverpeno, 1616
- And. Schotti [... De bono silentii religiosorvm et saecvlarivm libri II] 1619
- Rerum Belgicarum annales chronici et historici de bellis, urbibus, situ, & moribus gentis antiqui recentioresque scriptores, 1620
- S. Isidori Pelusiotae epistolae hactenus ineditae, Antverpeno, 1623
- Adagialia sacra Novi Testamenti Graeca-Latina 1629
- Itinerario overo nova descrittione de'viaggi principali d'Italia 1647
- Andreae Schotti itinerarium Italiae 1655
Literaturo
redakti- I Prolegomena di André Schott alla Biblioteca di Fozio
- History of Scholarship: A Selection of Papers from the Seminar on the ...
- The Mirror of Spain, 1500-1700: The Formation of a Myth
- Re-Wiring The Ancient Novel, 2 Volume set: Volume 1: Greek Novels
- Personensuche
- Jesuit Science and the Republic of Letters
- A new and general biographical dictionary
- Jesuit Books in the Dutch Republic and its Generality Lands 1567-1773
Vidu ankaŭ
redakti- Johannes Meursius (1579-1639)
- Cornelius Valerius (1512-1578) rektoro de la Trilingva Kolegio[2]
- Christoffel Plantijn (1520-1589)
- Abraham Ortelius (1527-1598)
- Justus Lipsius (1547-1606)
- Théodore Poelman (1510-1580)[3]